යතුරු පැදියකින් ගමන් කරමින් සිටි කැලණිය විශ්ව විද්‍යාලයේ ජනක බණ්ඩාර සිසුවාත් රුහුණු විශ්ව විද්‍යාලයේ  සිසිත  ප්‍රියංකර සිසුවාත්  2012 වසරේදී  ඉඹුල්ගොඩ හන්දියේදී මිය යාම  සම්බන්ධයෙන් විධිමත් පරීක්ෂණයක් ලබාදෙන ලෙස ඉල්ලා අද (16) පේරාදෙණිය හා රුහුණ විශ්ව විද්‍යාලවල මහා ශිෂ්‍ය සංගම්  උද්ඝෝෂණ පැවැත්වූහ.

පේරාදෙණිය විශ්ව විද්‍යාලයීය සිසුහු ගලහ මන්සන්ධියේදීත් රුහුණ විශ්ව විද්‍යාල සිසුහු ගාල්ල බස් නැවතුම්පොළ ඉදිරිපිටදීත් පැයක පමණ කාලයක් උද්ඝෝෂණයේ යෙදුණහ.

අන්තර් විශ්ව විද්‍යාලයීය ශිෂ්‍ය බල මණ්ඩලයේ කැඳවුම්කරු ලහිරු වීරසේකර සිසුවා ප්‍රකාශ කර සිටියේ පසු ගිය රජයෙන් ජනක සිසිත සිසුන් දෙදෙනා මිය යෑම රිය අනතුරක් බව  හුවා දක්වා ඇති බවත් ශිෂ්‍ය මර්දනයේ  ප්‍රතිපලයක් ලෙස එය සැලසුම් සහගතව කළ  ක්‍රියාවක් ලෙස පෙනෙන බවත්ය.

picket_2015916373 picket_2015916374 picket_20159163732

ඡායාරූප - සෙනරත් බණ්ඩාර

SAM_3084[1] SAM_3090[1] SAM_3103[1] SAM_3105[1]

ජායාරූප - අමිල මධුෂංක