නිදහස් මාධ්‍යයට අනිසි බලපෑම් කරතියි පුරාවිද්‍යා දෙපාර්තමේනතුවට එරෙහිව මාධ්‍ය සංගම් එකමුතුව ලබන සිකුරාදා (12) කොළඹ කෞතුකාගාරය ඉදිරිපිට උදේ 10 ට විරෝධතාවයක් පැවැත්වීමට යයි.

රිටිගලට එන සංචාරකයන් ගසා කන ජාවාරමක් හෙළි කළ දඹුල්ල ලංකාදීප මාධ්‍යවේදී කාන්චන කුමාර ආරියදාස මහතාට එරෙහිව පොලිසියට පැමිණිලි කිරීමත් පොලිසියට නොපැමිණියහොත් උසාවි දමන බවට තර්ජනය කිරීමත් හෙළා දකිමින් මෙම උද්ඝෝෂණය සංවිධානය කරන බව මාධ්‍යවේදීහු කියති. දූෂණ හා අකටයුතුකම් පෙන්වා දෙන ලෙස ජනපති හා අගමැති මාධ්‍යවේදීන්ට කියද්දී පුරා විද්‍යා දෙපාර්තමේන්තුව පොලිසිය හා එක්ව ඔවුනගේ කටවල් වැසීමට යතියි මාධ්‍යෙව්දීහු චෝදනා කරති.