ශ්‍රී ලංකාව දැඩි ආර්ථික අර්බුදයක සහ දැවැන්ත උද්ඝෝෂණ රැල්ලක ගිලී ඇති මොහොතක "පැන්ඩෝරා පත්‍රිකා" පිළිබඳ විමර්ශනය ඇන හිට ඇතැයි ගවේෂණාත්මක මාධ්‍යවේදීන්ගේ ජාත්‍යන්තර  සම්මේලනය පවසයි.

"පැන්ඩෝරා පත්‍රිකා" හෙළිදරව්ව ගවේශනාත්මක මාධ්‍යවේදීන්ගේ ජාත්‍යන්තර සම්මේලනය විසින් සිදු කරනු ලැබීහ.

හිටපු රාජ්‍ය ඇමැතිනී නිරූපමා රාජපක්ෂ සහ ඇගේ සැමියා විදේශ සමාගම් භාවිතා කරමින් ලොව පුරා සිය ධනය සැඟවමින් ඇමෙරිකා එක්සත් ජනපද ඩොලර් මිලියන 18 වඩා වැඩි මුදලක් උපයා ගැනීමට සමත් වූ බව  ගවේෂණාත්මක මාධ්‍යවේදීන්ගේ ජාත්‍යන්තර සම්මේලනය ගිය වසරේදී අනාවරණය කළේය.

"පැන්ඩෝරා පත්‍රිකා" හි රහසිගත ලිපිගොනු අනාවරණය කළේ 2011 වසරේ දී  යුවළගේ වත්කම ඇමෙරිකා එක්සත් ජනපද ඩොලර් මිලියන 160 ක්  වන බවයි. 

මේ කාරණාව සම්බන්ධව ජනාධිපති  ගෝඨාභය රාජපක්ෂ මහතා ප්‍රමුඛ රජය විමර්ශනයක් ආරම්භ කළ අතර මේ වන විට එම විමර්ශන ඇනහිට ඇතැයි ගවේෂණාත්මක මාධ්‍යවේදීන්ගේ ජාත්‍යන්තර සම්මේලනය ප්‍රකාශ කළේය.

(විමුක්ති එස් රුද්‍රිගු)