(නිමන්ති රණසිංහ)

අපරාධ පරීක්ෂණ දෙපාර්තමේන්තුවේ  හිටපු උප පොලිස් පරීක්ෂක සුගත් මෙන්ඩිස් මහතාට වැටුප් ගෙවන ලෙසට නියම කළ අධිකරණ නියෝගය කඩ කරමින්  අධිකරණයට අපහාස කිරීම  සම්බන්ධයෙන්  කරුණු දැක්වීම  සඳහා ලබන නොවැම්බර් මස 16 වැනිදා  පෞද්ගලිකව අධිකරණය හමුවේ පෙනී සිටින ලෙසට දන්වමින් පොලිස්පති සී. ඩී වික්‍රමරත්න  මහතා  ඇතුළු  උසස්  පොලිස් නිලධාරීන් පස්  දෙනකුට ශ්‍රේෂ්ඨාධිකරණය අද (23)  නියෝගයක් නිකුත් කළේය.

වැඩ තහනමට ලක්ව සිටින අපරාධ පරීක්ෂණ දෙපාර්තමේන්තුවේ හිටපු පොලිස් පරීක්ෂක සුගත් මෙන්ඩිස් මහතා නීතිඥවරුන්  මගින්  ඉදිරිපත් කළ මෝසමකින් කල ඉල්ලීමක් සැලකිල්ලට ගත් අධිකරණය මෙම නියෝගය නිකුත් කළේය .

 ප්‍රියන්ත ජයවර්ධන, එස් තුරෙයි රාජා සහ මහින්ද සමයවර්ධන යන මහත්වරුන්ගෙන් සමන්විත ත්‍රිපුද්ගල ශ්‍රේෂ්ඨාධිකරණ විනිසුරු මඩුල්ල ඉදිරියේ මෙම පෙත්සම කැඳවිණි.

වැඩ තහනමට ලක්ව සිටින තම සේවාදායකයාට වැටුප් ගෙවන ලෙස ශ්‍රේෂ්ඨාධිකරණය ඉකුත් මැයි මස 8 වනදා නියෝගයක් නිකුත් කළත් එම නියෝගය මේ දක්වා ක්‍රියාත්මක ගොස් තිබුණු බවට අධිකරණයේදී කරුණු වාර්තා විණි .