(යොහාන් භාසුර)

රටේ පවතින ව්‍යාකූල තත්වයට එරෙහිව පසුගිය 28 වැනිදා පැවැති විරෝධතාවට සහය දක්වමින් සේවයෙන් ඉවත්ව සිටි පොතුහැර දුම්රිය ස්ථානයේ කාර්ය මණ්ඩලයට එරෙහිව ක්‍රියාත්මක කරන විනය පරීක්‍ෂණයට දැඩි විරෝධය පළකරන බවත් එම පරීක්‍ෂණය පැය 48 ක් තුළ හකුලා නොගත හොත් වෘත්තීය ක්‍රියාමාර්ගයකට එළඹීමට තීරණය කළ බවත් දුම්රිය ස්ථානාධිපති සංගමය ප්‍රධාන ලේකම් කසුන් චාමර මහතා දුම්රිය දෙපාර්තමේන්තුවට ලිඛිතව දැනුම් දී තිබේ.

මහනුවර දිස්ත්‍රික් ප්‍රවාහන පරීක්‍ෂකවරයා කැඳවා තිබෙන විනය පරීක්‍ෂණයට පොතුහැර දුම්රිය ස්ථානයේ කාර්ය මණ්ඩලයේ කිසිඳු සාමාජිකයෙක් සහභාගි නොකරන බව ද කසුන් චාමර මහතා යොමු කළ ලිපියේ වැඩි දුරටත් සඳහන් වේ.