2025 මැයි මස 07 වන බදාදා
(මනෝප්‍රිය ගුණසේකර)
හිටපු අමාත්‍ය පාඨලී චම්පක රණවක මහතාට සහ එවකට වැලිකඩ හිටපු පොලිස්ථානාධිපතිවරයාව සිටි සහකාර පොලිස් අධිකාරී සුදත් අස්මඩල මහතාට මෙන්ම පාඨලී චම්පික රණවක මහතාගේ රියදුරු වශයෙන් කටයුතු කළ බව කියන දිලුම් තුසිත කුමාර නමැත්තන්ට ලබන අගෝස්තු 20 වැනිදා අධිකරණයේ පෙනී සිටින ලෙස නියම කරමින් කොළඹ මහාධිකරණ විනිසුරු ගිහාන් කුලතුංග මහතා අද (20) සිතාසි නිකුත් කළේය.
රාජගිරිය ප්‍රදේශයේ 2016 වසරේදී සිදුවූ රිය අනතුරට අදාළ සිද්ධිය සම්බන්ධයෙන් මෙලෙස සිතාසි නිකුත් කර ඇත.
විත්තිකරුවන්ට එරෙහිව නීතීපතිවරයා විසින් පවරන ලද නඩුව සළකා බැලු විනිසුරුවරයා විත්තිකරුවන්ට අධිකරණයේ පෙනී සිටින ලෙස නියම කරමින් මෙලෙස සිතාසි නිකුත් කෙරිණි.
2016 පෙබරවාරී මස 28 වැනිදා අනතුර සිදුවන අවස්ථාවේදී ඩබ්ලිව්.පී. කේ.ටී. 7545 ජීප් රථයේ පැදවුයේ දිලුම් තුසිත කුමාර නමැත්තා බව හැඟවීමට බොරු සාක්කි සැදීමට කුමන්ත්‍රණය කිරීම, හිටපු අමාත්‍ය පාඨලී චම්පික රණවක මහතා නීත්‍යානූකූල දඬුවමින් ආරක්‍ෂා කිරීම සඳහා සාක්කි අතුරුදන් කිරීමට කුමන්ත්‍රණය කිරීම යටතේ විත්තිකරුවන් තිදෙනාටම එරෙහිව නීතීපතිවරයා විසින් චෝදනා නඟා ඇත.
එමෙන්ම හිටපු අමාත්‍ය පාඨලී චම්පික රණවක මහතා නීත්‍යානූකූල දඬුවමින් ආරක්‍ෂා කිරීම සඳහා වැරදි වාර්තාවක් මහෙස්ත්‍රාත් අධිකරණයට ඉදිරිපත් කිරීම යටතේ එවකට වැලිකඩ පොලිසියේ ස්ථානාධිපතිවරයා ලෙස රාජකාරී කළ සහකාර පොලිස් අධිකාරී සුදත් අස්මඩල මහතාට එරෙහිවද, අනතුර සිදුවන අවස්ථාවේදී ඩබ්ලිව්.පී. කේ.ටී. 7545 ජීප් රථයේ පැදවුයේ හිටපු අමාත්‍ය පාඨලී චම්පික රණවක මහතා බව දැන දැනම ඒ අවස්ථාවේදී රථය පැදවුයේ තමා බවට මහෙස්ත්‍රාත් අධිකරණය හමුවේ සාවද්‍ය වරද කියාපෑමක් කළ බවට පාඨලී චම්පික රණවක මහතාගේ රියදුරු වශයෙන් කටයුතු කළ දිලුම් තුසිත කුමාර නමැත්තාට එරෙහිවද නීතීපතිවරයා විසින් චෝදනා ඉදිරිපත් කොට ඇත.
හිටපු අමාත්‍ය පාඨලී චම්පික රණවක මහතාට, එවකට වැලිකඩ හිටපු පොලිස්ථානාධිපතිවරයාව සිටි දැනට සහකාර පොලිස් අධිකාරී සුදත් අස්මඩල මහතාට මෙන්ම පාඨලී චම්පික රණවක මහතාගේ රියදුරු වශයෙන් කටයුතු කළ බව කියන දිලුම් තුසිත කුමාර නමැත්තන්ට එරෙහිව චෝදනා 16 ක් යටතේ නීතීපතිවරයා විසින් එම නඩුව පවරන ලදී.
එම නඩුව ලබන අගෝස්තු 20 වැනිදා කැඳවීමට නියම කළ විනිසුරුවරයා එදින අධිකරණයේ පෙනී සිටින ලෙස නියම කරමින් සිතාසි නිකුත් කළේය.
විපක්ෂයේ සියලු කණ්ඩායම් හා එක්ව කොළඹ මහනගර සභාව සඳහා සමගි ජන බලවේගයෙන් නගරාධිපතිවරයකු පත්කර ගන්නා බව එහි මහලේකම් රංජිත් මද්දුමබණ්ඩාර මහතා පැවසීය.
මෙරට ප්‍රබල දේශපාලන චරිතයක් වූ හිටපු ජනාධිපති මහින්ද රාජපක්ෂ මහතාගේ නිජබිම වූ මැදමුලන ඡන්ද කොට්ඨාශය ඊයේ(06)දින පැවති පළාත් පාලන මැතිවරණයේදී ජයග්‍රහණය
ශ්‍රී ජයවර්ධනපුර විශ්ව විද්‍යාලයට අනුබද්ධිත හෝමාගම පිටිපන පිහිටි තාක්ෂණ පීඨයේ තුන්වන වසරේ ඉගෙනුම ලැබූ සිසුවෙකුට අමානුෂික ලෙස පහරදීම සම්බන්ධයෙන් අත
භාරකරුවන් ඉදිරිපත් නොවීම නිසා මියගිය පුද්ගල මළ සිරුරු 28ක්, මාස දෙකක් තිස්සේ කළුබෝවිල ශික්ෂණ රෝහලේ මෘත ශරීරාගාරයේ තැන්පත් කර ඇතැයි එම රෝහලේ අභ්‍යන්තර
කිරිබත්ගොඩ නගරයේ රජයේ ඉඩමක් වංචනිකව හොර ලේඛන සකසා විකිණී යැයි කියන සිද්ධියක් සම්බන්ධයෙන් හිටපු රාජ්‍ය අමාත්‍ය ප්‍රසන්න රණවීර ලබන 19 වැනි දා තෙක් රිමාන
පළාත් පාලන මැතිවරණයේ ප්‍රතිඵල අනුව ශක්ති සම්පන්න මහජන සේවාවක් උදෙසා විපක්ෂයේ සියලුම බලවේග එකට එකතු කර ගත් නව ගමනකට සමගි ජනබලවේගය මුලපුරන බව - විපක්ෂ න
2025 අප්‍රේල් මස 29
944
1
රටක් දියුණු වීමට නම්, ජනතාව තුළ නිවැරදි මුල්‍ය සාක්ෂරතාවක් පැවතීම අනිවාර්ය වේ. එමෙන් ම මුදල් ඉතිරි කිරීම හා ආයෝජනය කිරීම පිළිබඳ දැනුම මෙන් ම අදාළ ක‍්‍ර
2025 අප්‍රේල් මස 29
235
1
අසරණභාවයට පත් වැඩිහිටි පුද්ගලයන් ගේ ජීවිතවලට ආලෝකයක් ගෙන දෙන HelpAge Sri Lanka ආයතනය, HelpAge අක්ෂි රෝහල සඳහා අරමුදල් රැස් කිරීමේ අරමුණින් Symphony of Hope නමින් විශේෂ පුණ්‍ය ප
2025 අප්‍රේල් මස 18
1287
0
2007 නොබෙල් සාම ත්‍යාගයේ (උප සභාපති, IPCC) සම-ජයග්‍රාහකයා සහ 2021 බ්ලූ ප්ලැනට් ත්‍යාගලාභී මොහාන් මුණසිංහ මහතා, 2025 අප්‍රේල් 13-14 දිනවල ඩුබායි හි පැවති ගෝලීය නොබෙල් ස
පාඨලීට සිතාසි
kamal Monday, 20 July 2020 11:16 AM
විස්සකටවත් ඇතුලට දාන්න වැඩ කටයුතු ලෑස්ති කරලා ඇත්තේ.
සමිත සේනක අලුත්ගමගේ. Monday, 20 July 2020 11:21 AM
මේවායේ හරි වැරැද්ද පෙන්වන්න ගිහිල්ලා අපි මොකටද සමහර දෙනාගෙන් කුණු බැනුම් අහන්නේ ... අනේ ඒකට කම් නැහැ ... ඔහොමම දිගටම ගිහින් බලමුකෝ ...
siri Monday, 20 July 2020 11:21 AM
මේ නඩු නම් අවුරුදු ගානක් ඇදි ඇදී යන එකක් නැහැ.
සුදත් ශ්‍රී Monday, 20 July 2020 12:54 PM
මෙයා තරම් අවස්ථාවාදී කමට ප්‍රතිපත්ථි වෙනස් කරපු කෙනෙක් මේ ලෝකෙත් නැතිව ඇති.
Rata Perata Tuesday, 21 July 2020 06:30 AM
රටේ නායකයාගෙන් උපදෙස් ටිකක් ගත්තා නම් හරි, කොහොමද අධිකරණයට වෙට්ටු දාන්නේ කියලා..? අනිත් එක තහනම් 1000cc බයික් එක පැදපු කෙනාට කිසි නඩුවක් නෑ වගේ. මේවා ඔක්කොම දේශපාලන සෙල්ලම්...
Galapara Tuesday, 21 July 2020 07:02 AM
මෙතුමා පාර්ලිමේන්තුවේ සිටිය යුතු උගත් බුද්ධිමත් කෙනෙක්. මේ කරන්නේ බොරු චරිත ඝාතනයක්.
විජේWednesday, 05 August 2020 04:06 AM
එහෙට මෙහෙට පැනලා, බල්ටි ගහලා, රට පටලලා.
Harin Tuesday, 21 July 2020 07:41 AM
දැන් කට්ටිය පාඨලීට කඩේ යනවා, ඒත් අපිටනම් මොහු තවත් දේශපාලකයෙක් පමණයි.
sharm warn Tuesday, 21 July 2020 10:05 AM
මොහු වරදක් කර ඇත්නම් ඊට සුදුසු නීතියක් ක්‍රියාත්මක කළ යුතුයි. එතකොට මේ වගේ වෙනත් රියදුරෙක් ඉදිරිපත් කළ අවස්ථා බොහොමයක් අපේ දේශපාලන ඉතිහාසයේ අපි පහුකරගන්න ආවා. නමුත් මේ තරම් ආන්දෝලනාත්මක ප්‍රසිද්ධියක් දෙමින් මහා සාහසික අපරාධයක් ලෙස උලුප්පා දක්වන්නේ දේශපාලන පළිගැනීමක් නිසාද? මෙම ප්‍රශ්නයේදී නීතිපතිවරයා දක්වන තදබල නීති රාමුව රවීට බලනොපෑවේ කොහොමද? උත්තරීතර පාර්ලිමේන්තුවේ ගරු මන්ත්‍රීවරයෙක් හැටියට ඉඳගෙන රටේ රටේ මහබැංකුව මහදවාලේ මංකොල්ල කාලාපගාව වශයෙන් සුපිරි නිවසක් ලබාගෙන... නමුත් හොරෙක් නොවෙන්න තරම් කරපු පින මොකක්ද? සාධාරණයක් කියලා දෙයක් ඇත්තටම මේ සමාජයේ තියෙනවාද? මේ පාලනයේ තියෙනවාද?
ජීවක Wednesday, 22 July 2020 12:43 AM
දැන් නම් මේ බොරු වංචාවක් කරන්නේ. මෙතරම් වැරදි කරලා තවම නිදැල්ලේ සිටින්නට ඉඩ දෙන්නේ ඡන්දයට පස්සේ නිදහස් කරලා දාන්න තමයි.
විපරමා Wednesday, 22 July 2020 11:15 AM
මීට වැඩිය මාරාන්තික අනතුරු කරපු අය, දේශපාලුවන්ගේ පුත්තු පවා නිදහසේ ඉන්නවා. මෙතන සිද්ද වෙන්නේ වෙන දෙයක්?
කමනිMonday, 27 July 2020 10:46 PM
මීට වැඩිය? මේ ළමයා ජීවත්ව හිටියට තවත් වෙන්න දෙයක් නැහැ. හරියට ඇවිදින්නත් බැහැ..
කමනි Monday, 27 July 2020 10:44 PM
මේ නඩුවටත් අත්වන්නේ, තාජුදීන්, ලසන්ත වික්‍රමතුංග, නඩුවලට අත්වූ ඉරණම පමණයි. මොන පක්ෂයේ වුණත් දේශපාලුවෙක්නේ... මිනිස්සු රැවටෙන එක ඉවර වෙන්නේ කවදාද?
Kamal Koyrala Thursday, 30 July 2020 08:24 AM
මේ අනාගත පවුල්වාදයට තර්ජනයක් කියලා හිතන සිංහල පෙරට එන සිංහල ජාතික නායකයන් මර්ධනය කිරීමක්. පාඨලී පමණක් නොවේ... දැනට අනික් අයත් ලිස්ට් කරලා තියෙන්නේ ජාති මාමක දේශපාලකයන් පවුල් සංස්ථාවේ සාමාජිකයන්නේ...
විජේ Friday, 14 August 2020 04:18 AM
ශ්‍රී ලංකා දේශපාලන රංග වේදිකාවේ හොදම 'හීන් නූලා'ට හිමි සම්මානය මෑතකදී පිට පිටම ජයග්‍රහණය කල මෙතුමා, දිව හැරෙන හැරෙන පැත්තට බොරු කිය කිය, දනය හා බලය පමනක් හබායන, මිනිස්සුන්ව ඔටුවන්ගෙ ගානට හිතන් ඉන්න මේ වගේ අවස්තාවාදීන්.