( සුමිත් පොතුපිටිය )

කළුතර , ගමගොඩ නිවසකට පෙට්‍රල් බෝම්බ ප්‍රහාරයක් එල්ලකර පස් හැවිරිදි පිරිමි දරුවෙකු ඝාතනය කර තවත් කාන්තාවකට බරපතල තුවාල සිදුකළ  පුද්ගලයන් දෙදෙනකු අත්අඩංගුවට ගත්බව කළුතර කොට්ඨාශ අපරාධ විමර්ශන ඒකකය පවසයි.

මෙසේ අත්අඩංගුවට ගෙන ඇත්තේ  දොඩංගොඩ අක්කර 33 ප්‍රදේශයේ සහ සහ කළුතර කෝන්ගොඩ  ප්‍රදේශයේ පදිංචි 23 සහ 25 වියැති පුද්ගලයන් දෙදෙනෙකු බව පොලිසිය කීය.

සැකකරුවන් ඉකුත් 29 රාත්‍රී කළුතර ගමගොඩ ප්‍රදේශයේ නිවසකට පෙට්‍රල් බෝම්බ ප්‍රහාරය එල්ලකර තිබූ අතර, එහිදී  කාන්තාවක් තුවාල ලබා එම නිවසට රූපවාහිනි නැරඹීම සදහා පැමිණ සිටී සෙනාල් සංධීප නැමැති පස් හැවිරිදි පිරිමි දරුවෙකු මියගොස් තිබුණි.

සැකකරුවන් ප්‍රහාරය සදහා  භාවිතා කළ යතුරුපැදිය, තවත් පෙට්‍රල් බෝම්බයක්, සැදීමට භාවිතා කළ දෑ සහ ජංගම දුරකථන දෙකක්ද සොයාගෙන තිබේ.

කොන්ත්‍රාත්තුව වෙනුවෙන් සැකකරුවන්ට ලැබී ඇත්තේ රුපියල් 5, 000 ක මුදලක් බවටද සිදුකළ වැඩිදුර විමර්ශන වලදී හෙලිව ඇති බව වැටලීමට එක්වූ නිළධාරියෙක් කීය.