(විමුක්ති එස් රුද්‍රිගු)

පාකිස්තාන 76 වැනි නිදහස් දිනය අද(14) ශ්‍රී ලංකාවේ පාකිස්තාන මහ කොමසාරිස් කාර්යාලය ශ්‍රී ලංකාවේ වාසය කර පාකිස්තාන ප්‍රජාව සමඟ එක්ව සමරනු ලැබුවේය.

පාකිස්තානය ශක්තිමත්, ප්‍රගතිශීලි සහ ප්‍රජාතන්ත්‍රවාදී ඉස්ලාමීය සුභ සාධන රාජ්‍යයක් බවට පත් කිරීමේ තේමාව යටතේ ශ්‍රී ලංකාවේ පාකිස්තාන මහ කොමසාරිස් විශ්‍රාමික මේජර් ජනරාල් උමාර් ෆාරුක් බර්කි මහතාගේ ප්‍රධානත්වයෙන් උත්සවය පැවැත්විණ.

එම අවස්ථාවේදී ශ්‍රී ලංකාව පාකිස්තානයේ සැබෑ මිතුරෙකු බවත් ශ්‍රී ලංකාව සහ පකිස්තානය අතර ද්වි පාර්ශ්වික සබඳතා පුළුල් කර ගැනීම සඳහා තිබෙන අවස්ථා සොයා බලමින් සිටින බවත් මහ කොමසාරිස්වරයා පැමිණ සිටි පිරිස අමතමින් ප්‍රකාශ කළේය.

මෙම අවස්ථාවට පාකිස්තාන රාජ්‍ය තාන්ත්‍රිකයන් ඇතුළු සම්භාවනීය අමුත්තෝ රැසක් සහභාගී වූහ.