2025 දෙසැම්බර් මස 29 වන සඳුදා
ශ්රී ලංකා නිදහස් පක්ෂයේ වත්මන් නායකත්වය සමග එක්ව කටයුතු නොකරන්නේ විවිධ වංචා දූෂණ සම්බන්ධයෙන් චෝදනා ඇති අය බවත් ජනාධිපති මෛත්රීපාල සිරිසේන මහතා එවැනි අයට අවස්ථාව නොදෙන බව දන්නා නිසා ඔවුන් නායකත්වය සමග එක්නොවී සිටීමට උත්සාහ ගන්නා බවත් බස්නාහිර පළාත් ප්රධාන අමාත්ය ඉසුර දේවප්රිය මහතා පැවසීය.
හිටපු ජනාධිපති මහින්ද රාජපක්ෂ මහතාට ඉතිහාසයේ සිටම විපක්ෂයේ සිටින අවස්ථාවල නිහඬව සිටීමේ හැකියාවක් නොතිබූ බව කී ප්රධාන අමාත්යවරයා ඔහු වර්තමානයේත් එලෙසින්ම කටයුතු කරන බවත් එය කිසිලෙසකින්වත් පක්ෂයට හානියක් නොවන බවත් කීවේය.
මේ වන විට ඉතා සුළු පිරිසක් හැර පක්ෂයේ බහුතරය වත්මන් නායකත්වය වටා පෙළ ගැසෙමින් සිටින බව ද කී ඉසුර දේවප්රිය මහතා පක්ෂය කැඞී වෙන්වීමේ අවදානමක් මේ වන විට නැතැයි ද කියා සිටියේය.
ඉසුර දේවප්රිය මහතා මේ බව පැවසුවේ කොළඹ ඩාර්ලි පාරේ පිහිටි ශ්රී ලංකා නිදහස් පක්ෂ මූලස්ථානයේදී අද (23) පැවති මාධ්ය හමුවක් අමතමිනි.
මෙහිදී අදහස් දැක් වූ එක්සත් ජනතා නිදහස් සන්ධාන පාර්ලිමේන්තු මනූෂ නානායක්කාර මහතා ද පැවසුවේ සන්ධානය තුළ වර්තමානයේ ඇති වී ඇති යම් යම් අර්බුද ඉක්මනින්ම විසඳෙනු ඇති බවයි.
මෙහිදී මාධ්යවේදීන් නැගූ ප්රශ්න හා ඒවාට ලැබුණු පිළිතුරු මෙසේය.
ප්රශ්නය
පක්ෂයේ නොවන රැස්වීම්වලට යාම විනය කැඞීමක් කියා තිබෙනවා. ඉතින් මේ ගිය අයට එරෙහි ක්රියාමාර්ග නොගන්නේ ඇයි?
ඉසුර දේවප්රිය මහතා
ගියේ දිගටම ගිය අයයි. අලූත් කණ්ඩායමක් එකතු වුණේ නැහැ.
ප්රශ්නය
ඒ අය පක්ෂයට ආදරේ නම් වෙනම කටයුතු කරන්නේ ඇයි?
ඉසුර දේවප්රිය මහතා
මහින්ද රාජපක්ෂ මහත්තයට එදා සිටම විපක්ෂයේ ඉද්දී නිකං ඉන්න බෑ. ඒ කාලයේත් මිනිස් දම්වැල්, ශබ්ද පූජා ආදිය කළා. අදත් එතුමා ක්රියාකාරී දේශපාලනයේ ඉන්නවා. එතුමා දීර්ඝ කාලයක් අනුගමනය කළ ක්රියා පිළිවෙල කරගෙන යනවා. ඒක අපේ පක්ෂයට හානියක් නෙවෙයි. එතුමා අපේ පක්ෂයේ අනුශාසකතුමා.
එහෙනම් මේ කරන්නේ පක්ෂයේ ගේම් එකක්ද?
මේවා ජනාධිපතිතුමා හා හිටපු ජනාධිපතිතුමා කතා කරලා කරන දේවල් නෙවෙයි. ඒ මහින්ද මහත්තයාගේ හැටි.
මහින්ද රාජපක්ෂ මහතා ජනාධිපතිතුමාගෙන් ආණ්ඩුවත් ඉල්ලූවා නේද?
දේශපාලනයේ එහෙම චූන් කතා තියෙනවා. ඒවා ගණන් ගන්න එපා.
එක්සත් ජාතික පක්ෂයේ අය ශ්රී ලංකා නිදහස් පක්ෂය විවේචනය කරන්නේ නැහැ. ඒත් ඔබතුමාලා එ.ජා.පය විවේචනය කරනවා. එය සදාචාරාත්මකද?
දේශපාලනයේදී සදාචාරයක් මතුවෙන්න බැහැ.
එදා හදිසි මැතිවරණයකට ගිය නිසා නේද මේ දේ වුණේ?
ඔව්. නැත්නම් තවමත් අපේ බලය තිබෙනවා. ඒත් එය පක්ෂ නායකත්වය ගත් තීන්දුව. ඒත් එහෙම නොවුණා නම් මට මහ ඇමතිකම ලැබෙන්නේ නැහැ. පසුගිය කාලයේදී වෙලාව හොඳම මගේ සහ ජනාධිපතිතුමාගේයි.
2025 දෙසැම්බර් මස 18
669
2
ශ්රී ලංකාවේ අංක 1 සන්නිවේදන සම්පාදකයා වන ඩයලොග් ආසිආටා පීඑල්සී, මෙරට ඩිජිටල් තාක්ෂණික ගමන්මගේ සුවිශේෂී සන්ධිස්ථානයක් සනිටුහන් කරමින්, 5G යුගයක් සඳහා
2025 දෙසැම්බර් මස 16
323
0
සියපත ෆිනෑන්ස් පීඑල්සී සිය දීපව්යාප්ත ශාඛා ජාලය තවදුරටත් පුළුල් කරමින් 60 වැනි ශාඛාව කෑගල්ල දිස්ත්රික්කයට අයත් වරකාපොළ නගරයේ විවෘත කොට ඇත.
2025 දෙසැම්බර් මස 04
1114
2
’දිට්වා’ සුළි කුණාටුව හේතුවෙන් ඇති වූ ආපදා තත්ත්වය හමුවේ, රට යළි ගොඩනැගීමේ ජාතික මෙහෙවරට කඩිනමින් සහාය පළ කරමින්, HUTCH සමාගම ’Rebuild Sri Lanka’ අරමුදල වෙත රුපියල්
‘පක්ෂය කැඩී වෙන්වීමේ අවදානමක් නෑ‘
ප්රයංගා Wednesday, 23 March 2016 08:34 PM
ප්රසන්න රණතුංග වගේ කොන්ද කෙලින් තියන් හිටපු නායකයෙක් හිටපු බස්නාහිර පළාතට දැන් ඉන්නෙ මහ විහිලු කාරයෙක්නෙ. ඒකත් හරි ඉතින් රටටම ඉන්න අනිත් නායකයන් දැක්කම...(අ)
සුසන්ත Wednesday, 23 March 2016 09:53 PM
ඉසුර දේවප්රිය මහත්තයෝ දේශපාලනයේදී සදාචාරයක් මතුවෙන්න බැහැ. ඔන්න මිනිස්සුන්ගේ තරම.
ලෙස්ලි ජයවර්දන Wednesday, 23 March 2016 10:35 PM
රැස්වීම් තිබ්බට කමක් නැහැ. උසාවිය තියෙන්නේ නඩුවලිදී ඇත්ත කියන්න (අ)
කුරුවිට සුනිල් Wednesday, 23 March 2016 10:35 PM
දැන් පක්ෂය විතරක් නොව්ය් අපේ පස්සත් කැඩිලා (අ)
දහම් Wednesday, 23 March 2016 01:16 PM
බස්නාහිර පළාතේ අපිට ලැජ්ජයි. (බ)
ඇසළ Wednesday, 23 March 2016 02:05 PM
ඔය කියන පක්ෂය දැන් තියෙන්නේ සිරිකොතේ බිම් මහලේ නේද. මොකද 1 වෙනි තට්ටුවේ තියෙන්නේ ඒ ජා ප ය.. පව් කියලත් හිතෙනවා ඔහෙලා ගැන මේවා ඇහුවම. (බ)
සංජීව -හොරණ Wednesday, 23 March 2016 02:22 PM
බස්නාහිර පලාතේ වෙලත් මමනම් මෙහෙම හාදයෙක් ඉන්නවා කියලා දැනගත්තෙත් මහ ඇමති වුනාට පස්සෙයි.. 17 රැලියෙන් පස්සෙ මෛත්රීවාදී පිලේ රැස් බැහැලා වගෙ.. ශ්රීලනිප පාක්ශිකයො වුනත් අපිට දැන් ශ්රීලනිපය අප්රියයි..(බ)
ශානක Thursday, 24 March 2016 04:09 AM
මේ කෙනා කවුද කියලා අපිනම් දන්නෑ. ඒත් මෛත්රීපාලට මොකද්ද කරන්න පුළුවන්. (බ)
උපාලි Wednesday, 23 March 2016 02:52 PM
""දේශපාලනයේදී සදාචාරයක් මතුවෙන්න බැහැ". ඔන්න ඕක තමයි සකලවිධ දේශපාලනඥයින්ගෙන් අපට ගන්න තියෙන පාඩම. තව අපි එකතු කරන්නම් හොඳටම ගැලපෙන කෑල්ලක්. ""දේශපාලනයේදී ලැජ්ජාවක් ඇත්තෙම නැහැ"" (කෞ)
නිම්මි Wednesday, 23 March 2016 02:52 PM
කුඩු කාරයෝ එතනෝල් කාරයෝ රේස් බුකි කාරයෝ කොහෙද දැන් නැහැ දැන් ඉන්නේ?(කෞ)
දුමින්ද Thursday, 24 March 2016 04:24 AM
නිල පක්ෂය හා ජනතාවගේ පක්ෂය අතර ගැටුමක් (බ)
නිමන්ත Thursday, 24 March 2016 04:30 AM
මනූෂ නානායක්කාර ගාල්ලෙන් ඡන්දෙ ඉල්ලෙුවේ මහින්ද ලකුණ කියල, අනේද කියන්නේ (බ)
විපුල Thursday, 24 March 2016 05:20 AM
මහින්ද ලකුණෙන් ඇවිල්ලා මහින්ද ලකුණේ ඡන්ද වලින් ලැබෙන ලිස්ට් එකෙන් ඇවිල්ලා මෙතන සමහරු කතාකරන්නේ ජනතාවගේ හදවතට නොවේ. (නි)
විහඟ Thursday, 24 March 2016 05:24 AM
සමහරු බලය රැකගන්න දඟලන දැඟලිල්ලක්! (නි)
ශානක Thursday, 24 March 2016 06:02 AM
කියන එක කතාවක් නම් ඇත්ත. පහුගිය කාලේ ජනතාවගේ තමයි වෙලාව නරක් වුණේ (නි)
ස්මිත් Thursday, 24 March 2016 06:41 AM
බුරියට ඔච්චර බයනම් වෙන මොනවහරි දැක්කොත් මහා ඇමති කලන්තේ දාල වැටෙයි (බ)