(බිමල් ශ්‍යාමන් ජයසිංහ)

නාවලපිටිය නගරාධිපති අමල් ප්‍රියංකර මහතා ට මෙන්ම රියදුරුට තලංගම කොස්වත්ත හන්දිය අසලදී  පහර දී පිස්තෝලය  පැහැරගත් බව කියන ත්‍රී රෝද රථ රියදුරකු අත්අඩංගුවට ගත් බව තලංගම පොලිසිය කියයි.

කොල්ල කන ලද පිස්තෝලය සැකකරු පදිංචි දකුණු තලංගම නිවසේ උඩු මහලේ සඟවා තිබී සොයාගෙන ඇත.

ඉකුත් මැයි නම වැනි දින නගරාධිපතිවරයා කැබ් රථයෙන් ගමන් කරමින් සිටියදී කැබ් රථය නවතා එයට මෙන්ම නගරාධිපතිවරයාට සහ රියදුරුට පහර දී ඔහු සන්තකයේ තිබී රුපියල් ලක්ෂ පහක මුදලක් සහ ගිනි අවිය කොල්ලකෑම සම්බන්ධයෙන් සිදුකළ විමර්ශනවලට අනුව සැකකරු අත්අඩංගුවට  ගැනීමට හැකි වූ බව පොලිසිය කියයි.

අත්අඩංගුවට ගත් සැකකරු වයස අවුරුදු 29ක දකුණු තලංගම පදිංචි පුද්ගලයෙකි

අත්අඩංගුවට ගත් සැකකරු කඩුවෙල මහේස්ත්‍රාත් අධිකරණය වෙත ඉදිරිපත් කිරීමට නියමිතය

තලංගම පොලීසියේ ස්ථානාධිපති ප්‍රධාන පොලිස් පරීක්ෂක අනිල් ජයන්ත මහතාගේ උපදෙස් මත පර්යේෂණ පැවැත්වේ