නුවරඑළිය උෂ්ණත්වය සෙල්සියස් අංශක 30 මට්ටම ඊයේ දහවල් කාලයේ දී සටහන්ව තිබුණි. මාසයක වැඩි කාලයක් නුවරඑළිය හා අවට ප‍්‍රදේශවලට වැසි නොලැබීම නිසා නුවරඑළියේ වගා බිම් විනාශ වෙමින් පවතී. ඒ සමඟම බොහෝ ස්ථානවල අඩි 15 ක් උසැති ගස් මැරී යාමේ තර්ජනයකට ලක්ව ඇත. නුවරඑළිය නගරය මැදින් ගලා යන නානු ඔය සිදී යෑමේ තර්ජනයකට ලක්වීම නිසා වික්ටෝරියා උද්‍යානය මැදින් කුඩාවට ගලා බසින දිය පාර දැඩි දුර්ගන්ධයක් මතුවීම නිසා උද්‍යානයට එන සංචාරක පිරිස් දැඩි අපහසුතාවයකට ලක්ව සිටිති.

වික්ටෝරියා උද්‍යානයේ මල් පාත්තිවලට ජල සම්පාදනය කොතෙක් කලත් උද්‍යානය පුරාම දැකගත හැක්කේ වියළි ස්වභාවයකි.

නගරයේ ඉහළ ගම්මානවලට ජලය සැපයීමේ දැඩි දුෂ්කරතාවයට මහ නගර සභාව ලක් වී ඇති බවක් පෙනෙන්නට තිබේ. ඇතැම් උස් ස්ථානවලට දින ගණනාවකින් ජලය ලැබී නැති බව පාරිභෝගිකයින් සඳහන් කරයි. එහෙත් දියඇලි සිඳී යාමේ තර්ජනයට ලක්වීම, ජල පෝෂක ප‍්‍රදේශවල ඇති වියලි භාවයක් පැවතීම පානීය ජලය බෙදාහැරීමේ දුෂ්කරතාවයක් ද ඇති බව පෙනෙන්නට තිබේ.

දැඩි වියළි ගතිය හේතුකොටගෙන කඳුකරයේ බොහෝ ස්ථාන ගිනිගැනීමට ලක් වු අතර, ඒවා වන සංරක්‍ෂණ දෙපාර්තමේන්තුව, පොලීසිය හා යුධ හමුදාව, සිවිල් ආරක්‍ෂක කමිටුවල සහයෝගය මත පාලනය කර ගත හැකිව ඇත. ශාන්තිපුර, කලාපුර ගම්මානයට ආසන්න නැවත වන වගාවක් තුළ ගිනිගැනීමක් පාලනය කිරීමෙන් පසු සිල්පර කොටන් කැපීම සඳහා වසර ගණනාවකට පෙර පරිසරයට එකතු වු යතු කුඩු පස් යට තිබී විටින් විට ගිනි ගැනීම වැලැක්වීම සඳහා වන සංරක්‍ෂණ දෙපාර්තමේන්තුවේ නිලධාරින් දැඩි වෙහෙසක් ගන්නා අයුරු දකින්නට ලැබුණි.

IMGP0002 IMGP0003 IMGP0007 IMGP0021 IMGP0023