(ෂේන් සෙනෙවිරත්න)

පේරාදෙණිය විශ්ව විද්‍යාලයේ ශාස්ත්‍ර පීඨයේ නීති දෙපාර්තමේන්තුවේ සිසුන් පිරිසකට පහර දීමේ සිද්ධිය සම්බන්ධයෙන් එම පීඨයේ සිසුන් තිදෙනකු අත්අඩංගුවට ගෙන ප්‍රකාශ සටහන් කර ගැනීමෙන් අනතුරුව පොලිස් ඇප මත මුදා හළ බව පේරාදෙණිය පොලිසිය කියයි.

පේරාදෙණිය විශ්ව විද්යාලයේ නවක වදයට එරෙහි සිසුන් පිරිසකට  ඉකුත් 14 වැනි දින එම පීඨයේ ආපන ශාලාවේ දිවා ආහාරය ගනිමින් සිටියදී එම පහරදීම සිදුව තිබේ.

පහරකෑමට ලක්වූ සිසුන්ගෙ ප්‍රකාශ අනුව එම පීඨයේ සිසුන් තිදෙනකු පන්ති තහනමකට ලක් කළ අතර පොලිසිය කරන ලද දැනුම්දීමකට අනුව එම සිසුන් තිදෙනා  පේරාදෙණිය පොලීසියට පැමිණ අද සවස බාරවී මෙන් පසු එසේ ප්‍රකාශ ලබාගැණිමෙන් අනතුරුව පොලිස් ඇප මත මුදා හැර තිබේ.

මෙම දෙපාර්ශ්වය ඉදිරියේදී සමථමූල මණ්ඩලය වෙත ඉදිරිපත් කිරීමට පියවර ගන්නා බව පොලිසිය කියයි.