(යොහාන් භාසුර)

චීනය දියත් කර තිබෙන ‘මාවතක් - තීරයක්’ යන තේමාව යටතේ ‘නව සේද මාවත’ ආරම්භ කර වසර 10 ක් සම්පූර්ණ වන බවත් ලෝක ඉතිහාසය තුළ තනි රටක් මුළු ලෝකයම ආවරණය වන පරිද්දෙන් ක්‍රියාත්මක කරන දැවැන්තම යටිතල පහසුකම් සහ සමාජ - ආර්ථික පහසුකම් සංවර්ධනය ව්‍යාපෘතිය බවත් ‘ආසියානු ප්‍රගති සංසදය’ පැවසීය.
ලෝකයේ සියලු මහද්වීප නියෝජනය වන පරිදි රටවල් 155 ක් මෙම ව්‍යාපෘතිය සමඟ සම්බන්ධ වී එම රටවල සිටින බිලියන 5 කට ආසන්න ජනගහනයකට මෙම ව්‍යාපෘතියෙන් ප්‍රතිලාභ ලැබීමේ ඉඩක් විවර වී ඇති බවත් 1949 වසරේ දී මහජන ජනරජය පිහිටුවීමෙන් පසු ශක්තිමත් සහ ස්ථාවර රාජ්‍යයක් බවට පත් වූ චීනය ලොව පුරා සියලු රාජ්‍යයන් සමඟ මිත්‍රත්වයෙන් කටයුතු කරන පිළිවෙතක් අනුගමනය කරන බවත් එම සංසදය කීය.
ලෝක ආර්ථිකය තුළ වෙළෙඳපොළ ක්‍රමය ශක්තිමත් වන පසුබිමක් තුළ චීනය ද ආර්ථික ප්‍රතිසංස්කරණ කටයුතු ආරම්භ කර සෘජු විදේශ ආයෝජන ගෙන්වාගෙන නිෂ්පාදනය ඉහළ නැංවීමට, සියලු රාජ්‍ය ව්‍යවසාය වෙළෙඳපොළ ක්‍රමයට අනුගත කර ශක්තිමත් කිරීමට සහ ග්‍රාමීය නිෂ්පාදන ඉහළ නැංවීම තුළින් දරිද්‍රතාව තුරන් කිරීමට චීනයට හැකිවූ බව කී කියන ‘ආසියානු ප්‍රගති සංසදය’ චීනයට ”ලෝකයේ ෆැක්ටරිය” බවට පත්වීමට ගතවූයේ ඉතා කෙටි කාලයක් බව ද සඳහන් කළේය.
‘ආසියානු ප්‍රගති සංසදය’ ‘නව සේද මාවත’ට වසර 10 ක් සම්පූර්ණ වීම වෙනුවන් පැවැත්වූ විශේෂ මාධ්‍ය හමුවේදී එහි සාමාජිකයෝ එසේ පැවසූහ.