2025 ජුලි මස 02 වන බදාදා
2025 ජුලි මස 02 වන බදාදා
කොළඹ නාලන්දා විද්‍යාලයයේ සිසුන් පිරිසකගෙන් පහර කෑ බව කියන ගුරුවරයා ඇතුළු ගුරුවරුන් පිරිසක් ඉවත් කරන ලෙසට ඉල්ලන ලිපියක් එම පාසලේ විදුහල්පතිට පක්ෂපාත බව කියන ගුරුවරුන් පිරිසක් විසින් අද (11) සෙසු ගුරුවරුන් ලවා අත්සන් කරගෙන ඇතැයි කියමිල් ලංකා ගුරු සංගමය අධ්‍යාපන අමාත්‍යංශයට පැමිණිලි කළේය.
ගුරුවරුන් කිහිප දෙනකුගේ පමණක් රැස්වීමක් අද (11) උදේ වරුවේ කැඳවා ඇති බවත්, ඔවුන් විසින් සකස් කරන ලද පෙත්සම අත්සන් කරන ලෙසට ගුරුවරුන්ට ලබා දී ඇති බවත්, අත්සන් නොකළහොත් ගැටළු ඇතිවේයැයි බියෙන් ඇතැම් ගුරුවරුන් අත්සන් තබා ඇති බවත් ස්ටාලින් මහතා කීවේය.
මෙම විද්‍යාලයයේ විදුහල්පතිට එරෙහිව අල්ලස් කොමිසමට ගිය ඊ එන් සුසන්ත හේරත් නම් ගුරුවරයා විද්‍යාලයයේ සිසුන් පිරිසකගේ පහර කෑමකට ලක්ව පසුගිය සිකුරාදා රෝහල් ගත කරනු ලැබීය.
මේ සම්බන්ධයෙන් බොරැල්ල පොලිසිය කිහිප දෙනකුගෙන් ප්‍රකාශ සටහන් කර ගෙන තිබේ.
ගුරුවරුන් පිරිසක් ඉවත් කරන ලෙස පෙත්සමක් අත්සන් කරවීමේ සිද්ධිය ගැන නාලන්දා විදුහල්පති රංජිත් ජයසුන්දර මහතාගෙන් කළ විමසීමකදී ඔහු කීවේ එවැනි පෙත්සමක් අත්සන් කළාදැයි තමා නොදන්නා බවයි. තමන් ඊට සම්බන්ධ නැති බවත් ඔහු කීවේය.
විදුහල්පති කාර්යාලයයේදී ගුරුවරයකුට පහර දීම ගැන විමසූවිට විදුහල්පතිවරයා කීවේ ඒ සම්බන්ධයෙන් තමා අඟහරුවාදා (12) අධ්‍යාපන ලේකම්ගේද අවසරය ඇතිව මාධ්‍ය නිවේදනයක් නිකුත් කරන බවයි.
අධ්‍යාපන ඇමැති අකිල විරාජ් කාරියවසම් මහතාගෙන් කළ විමසීමකදී ඔහු කීවේ නාලන්දා විද්‍යාලයයේ සිදුවීම සම්බන්ධයෙන් ගන්නා ක්‍රියාමාර්ග ගැන තවම තීරණයක් නැති බවයි. විදුහල්පතිට මාධ්‍ය නිවේදන නිකුත් කිරීමට අවසර දුන්නාදැයි අධ්‍යාපන ලේකම්වරයාගෙන් විමසන බව ද ඇමැතිවරයා කීවේය.
මේ ගැන විමසීමට අධ්‍යාපන ලේකම් සම්බන්ධ කර ගැනීමට නොහැකි විය.
2025 ජුලි මස 01
13
0
ශ්රී ලංකාවේ වැදගත් පූජනීය බෞද්ධ ආගමික සිද්ධස්ථානයන් වන කතරගම කිරි වෙහෙර සහ රුහුණු කතරගම මහා දේවාලයේ 2025 ඇසළ උත්සවය, ශාකසාර සබන් සහ ශාකසාර පෞද්ගලික
2025 ජුනි මස 26
597
0
එදා මෙදාතුර ශ්රී ලාංකීය දේපල වෙළදාම් ක්ෂේත්‍රයේ දැවැන්තම සහ අති සුඛෝපභෝගී නිවාස සංකීර්ණ ව්‍යාපෘතිය වන Pentara Residencies තුන්මුල්ල හංදිය ,The Address in Colombo එළි දැක්වීම
2025 ජුනි මස 25
124
0
xඅඛණ්ඩව 8වන වරටත් ‘ඉහළම ජනාදරයට පත් ජීවිත රක්ෂණ සන්නාමය‘ ශ්රී ලංකා ඉන්ෂුවරන්ස් ලයිෆ් (SLICLL) නැවත වරක් මෙරට ඉහලම ජනාදරයට පත් ජීවිත රක්ෂණ සන්නාමය ලෙස LMD හි
නාලන්දේ ගුටිකෑ ඇදුරු මාරු කරන්නලු
බමුණු Monday, 11 July 2016 01:05 PM
එතකොට ගුරුවරයාට පහර දුන් ළමයින්ට දඩුවමක් නැද්ද. (බ)
දිනේෂ් Monday, 11 July 2016 01:08 PM
මුළු අධ්‍යාපනේම යහපාලනේ වගේ වෙලා. හැමදේම මඩු වලිගෙන් තලලාවත් හදන්න බැහැ වගේ (බ)
අමරබන්දු Monday, 11 July 2016 01:40 PM
පහර දීපු සිසුන්ට කිසි ප්‍රශ්නයක් නැත, හරි පුදුමයි (අ)
රොකි Monday, 11 July 2016 01:45 PM
පළමුවෙන්ම මේ විදුහල්පතිවරයා ඔය ස්ථානයෙන් ඉවත් කල යුතුයි. ඔහු ගුරුවරුන් භේද භින්න කර ඔහුගේ ජිල්මාර්ට් කෙලි සඳහා සපෝර්ට් දෙන අයගේ බලයෙන් අනිත් කල්ලිය පීඩාවට පත් කිරීමේ වැඩ පිළිවෙලක් ගෙන යන බව පෙනේ. (අ)
මහින්ද Monday, 11 July 2016 01:57 PM
ස්ටාලින් නොදන්නා දේටත් කතාකරන්න ගිහින් නිකන් අනාගන්නව ඔය ගුරුවරයා ගුටිකන්න. තිබුනේ මීට ගොඩක් කලින් (අ)
මාල් Monday, 11 July 2016 02:42 PM
ලංකාවේ අධ්‍යාපනය මේ තරම් වංචා කාර ගුරු හොරුන්ගෙන් පිරිලද ? පගාවට විරුද්ධ එක්කෙනයි නැත්නම් දෙන්නයි විතරද ඉන්නේ එක පාසලකට ?යහපාලනයටවත් මේක නවත්වන්න බැරිද නැත්නම් වුවමනාවක් නැත්ද. අකිල විරාජ් ඔබට බැරිනම් ෆීල්ඩ් මාර්ෂල් ගෙන්වත් අහන්න මේකට විසඳුමක් මොකද ලංකාවේ නීතිය අනුව වැඩ කලොත් හොරු හැමදාම රජකරාවි !! (අ)
නිමල් Monday, 11 July 2016 03:54 PM
මහින්ද නාලන්දාවේ ළමයින්ට උගන්වන්නේ ප්‍රශ්ණ ගුටියෙන් විසදන්න ද? (බ)
චන්දන Monday, 11 July 2016 06:54 PM
ලංකාවේ බලවත්ම ආදි ශිෂ්‍ය සංගමය තියෙන්නේ නාලන්දේ කියලා කියනවා. එයාලත් නිදි වගේ (නි)
ලීනෝ Tuesday, 12 July 2016 12:56 AM
නාලන්දය යනු සිංහල බෞද්ධ සිසුන් ඉගෙනගන්නා පාසලකි. එහි කීර්ති නාමය ඉතා ඉහළින් පවතින්නේය. සිසුන් ලබන ජයග්‍රහණ බොහෝය. එය කෙළෙසීමට සමහරු තැත් දරයි. (නි)
සිරාජ් රොඩ්රිගෝ Tuesday, 12 July 2016 12:57 AM
1988 කාලයේ සිට මම මේ විදුහල්පතිවරයාව දන්නවා (නි)
මාල් Tuesday, 12 July 2016 01:31 AM
හොරකමයි පගාවයි වහගන්න අනුන්ට ගස්සවන එකද කරන්නේ. ඔය ශිෂ්‍යයෝ කලින් ගන්න ඇත්තෙත් පගාවට වෙන්න ඇති. මේ ගැන හොයලා බැලුවොත් නරකද. අදහසක් පමණයි. මෙය පුරවැසි බලයට බාරයි. (නි)