(මනෝප්රිය ගුණසේකර සහ රන්ජන් කටුගම්පොළ)
හෙළි නොකරන ආකාරයකින් රුපියල් මිලියන 30ක මුදලක් උපයා ගත් බවට මුදල් විශූද්ධිකරණ පනත යටතේ චෝදනා ලැබ සිටින පාර්ලිමේන්තු මන්ත්රී නාමල් රාජපක්ෂ මහතා සහ ගවර්ස් කෝපරේෂන් සමාගමේ අධ්යක්ෂවරු ඇතුළු සිව්දෙනාට එරෙහි නඩුව ලබන වසරේ පෙබරවාරි 16 වැනි දා සිට විභාග කිරීමට කොළඹ මහාධිකරණ විනිසුරු පියසේන රණසිංහ මහතා තීරණය කළේය.
2013 ඔක්තොම්බර් පළමු වැනිදාත් 2014 අගෝස්තු 31 වැනිදාත් අතර කාලය තුළ කොළඹදී පාර්ලිමෙන්තු මන්ත්රී නාමල් රාජපක්ෂ මහතාට අයත් ගවර්ස් කෝපරේට් සර්විසස් සමාගම වෙනත් සමාගමක් සමඟ කළ ගනුදෙනුවකදී අයුතු ලෙස මුදල් උපයාගැනීමට කුමන්ත්රණය කිරීම, ඒ අනුව රුපියල් මිලියන 30ක මුදලක් උපයාගත් බවට මුදල් විශූද්ධීකරණ පනත යටතේ විත්තිකරුවන්ට එරෙහිව චෝදනා එකොළහක් යටතේ නීතීපතිවරයා විසින් නඩු පවරා තිබිණි.
නඩුවේ විත්තිකරුවන් ලෙස නම් කොට සිටින පස් දෙනා අතුරින් ඉන්දික ප්රභාත් කරුණාජීව මහතා හැර සෙසු විත්තිකරුවන් වන පාර්ලිමෙන්තු මන්ත්රී නාමල් රාජපක්ෂ මහතා, පවිත්රිකා සුජානි බෝගොල්ලාගම සහ ගුවන් සේවිකාවක් වු නිත්යා සේනානී සමරනායක සහ ඔරනෙල්ලා ඉරේෂා සිල්වා මහත්මීන් අධිකරණයේ පෙනී සිටියහ.
විත්ති පාර්ශවයට බාරදිය යුතු ලේඛණ බාරදීම සඳහා නඩුව ලබන නොවැම්බර් 29 වැනි දා යළි කැඳවීමට නියම කළ විනිසුරුවරයා අදාළ ඉල්ලීම එදිනට ඉදිරිපත් කරන්නැයිද දැනුම් දුන්නේය.
COMMENTS
Reply To:
Sisira - cb chds hcdsh cdshcsdchdhd
බොරු මතවාදයන් මහජනතාව අතරට ගෙනයන සැමගේ නියම ප්රතිරූපය පෙනෙන දවස දිනෙන් දින ළඟාවෙමින් පවතී. එම නිසා මොවුන්ගේ මතවාදයන් ඉතා සංයමයකින් අසා බැලීම අප සැමට ඉතා වැදගත් වේ. බටලුවන්ගේ සිංහ සම ගැලවෙන දිනය ඉතා වේගයෙන් ළඟාවෙමින් පවතී.
මේ ආණ්ඩුව බලයට පත්වූ අලුත රාජිත කිව්වා නාමල්ගේ ඩුබායි බැංකු වල තියෙන ඇමෙරිකන් ඩොලර් මිලියන 500ක් හෝ ඊට වැඩි ගණනක් ගැන. ඒ ගැන හොයන්න කිහිප සැරයක් එහෙ යැව්වා. ප්රතිඵලය තමයි පන්ති සහයෝගය මත ඒ නඩු බල්ලට දාල සිදුවූ පාඩුව වෙනත් හොරකමක් මත රුපි. මිලියන 30 දක්වා බස්සවා ගැනීම. මේ මිනිස්සු මොන තරම් සුන්දරද ?
විත්ති පාර්ශවයට බාරදිය යුතු ලේඛණ බාරදීම සඳහා මෙතරම් කාලයක් යනවාද ? 2018 වසරේදී මේ නඩු 2019 වසරට කල් යාවි. 2020 මැතිවරණයට පස්සේ, මේ නඩු වලට අදාල කඩදාසි ගොන්න අළු දුවිලි වෙලා වා තලයටත්, මිහි තලයටත් එකතුවෙනවා නියතයි. ආප්ප කා, කළු කෝපි බොන්න ඔක්කොම අය එකම මේසයකට ඒවි .... නඩුත් නෑ....බඩුත් නෑ !!!!!
නඩු අහනවට වඩා කල් දානවනේ. කල් දාන්න ගත කරන වෙලාවත් අපරාදේ.
නඩුවේ අන්තිම තීන්දුව..
මිලියන 30 ක් කියන්නේ සුළු ගණනක් නේ. ඕක අල්ලලා දැම්මා නම් ඉවරයි. හැබැයි "අඹ ගෙඩි 3 ක් හෝ පොල් ගෙඩි 8ක් නම් ලොකු ගණනක්"
රජයේ මුදල් හා කාලය පවා කා දමමින් ඔය නඩු තීන්දු අවසානයේ බැර වන්නේ අවිනිශ්ෂිත ගිණුමටයි .....
සමහර විට ඊළඟ වතාවෙත් කල් යන්න ඉඩ තියෙනවා.. තවත් අවුරුද්දකට!