(යොහාන් භාසුර)

කැලණිතිස්ස විදුලි බලාගාරය ක්‍රියාත්මක කිරීමට සඳහා ‘නැප්තා’ නොමැතිවීම හේතුවෙන් හෙට (13) පෙරවරුවේ සිට එම බලාගාරය අක්‍රීයවීමට ඉඩ ඇතැයි ලංකා විදුලිබල මණ්ඩලයේ සභාපති නලින්ද ඉලංගකෝන් මහතා අද (12) පැවසීය.

එම බලාගාරය හෙට පෙරවරුව දක්වා ක්‍රියාත්මක කිරීමට ‘නැප්තා’ ඇති බව කී සභාපතිවරයා ඛනිජ තෙල් සංස්ථාව අත්පිට මුදලට පමණක් ‘නැප්තා’ දීමට සූදානම් බව ද සඳහන් කළේය.

එම බලාගාරය ක්‍රියාත්මක කිරීමට අවශ්‍ය ‘නැප්තා’ මිලදී ගැනීමට ලංකා ඛනිජ තෙල් සංස්ථාවට ගෙවීමට මුදල් සොයාගැනීමට විදුලිබල මණ්ඩලය බලධාරීන් සමඟ සාකච්ඡා කරමින් සිටින බවත් අද පස්වරුවේ හෝ මුදල් ප්‍රමාණයක් දීමට 
හැකිවුවහොත් ‘නැප්තා’ ලැබෙන බවත් සභාපතිවරයාා වැඩි දුරටත් සඳහන් කළේය.

කැලණිතිස්ස විදුලි බලාගාරයෙන් ජාතික විදුලි පද්ධතියට මෙගාවොට් 165 ක පමණ ප්‍රමාණයක් නිෂ්පාදනය කරයි.