(ශ්‍රීනාත් ප්‍රසන්න ජයසූරිය)

මඩකලපුව කරදියනාරු පංචාවේලි ප්‍රදේශයේ නිවසක් තුළ නිධානයක් ගොඩ ගැනීමට කැණීම් කටයුතු සිදුකරමින් සිටි බව කියමින් තවත් පිරිසක්  සමඟ අත්අඩංගුවට ගත් පොලිස් කොස්තාපල් රියදුරාගේ වැඩ තහනම් කළ බව ප්‍රදේශයේ උසස් පොලිස් නිලධාරියෙක් ලංකාදීපයට  පැවසීය

මූලික විමර්ශනයක් පවත්වා සැකකාර පොලිස් කොස්තාපල් රියදුරාගේ වැඩ තහනම් කර ඇත්තේ වාලච්චේන සහකාර පොලිස් අධිකාරීවරයා විසිනි.

මෙසේ වැඩ තහනම් කර ඇත්තේ සන්දිවේලි පොලිසියේ රාජකාරි කරන පොලිස් කොස්තාපල් රියදුරෙකුගේය

වාලච්චේනපොලිසියේ නිලධාරීන් කණ්ඩායමක් විසින් නිවස තුළ නිධන් හාරමින් සිටි බව කියමින් සැකපිට අත්අඩංගුවට ගත්පොලිස් කොස්තාපල් රියදුරා සහ අනෙක් පුද්ගලයන් හයදෙනා එරාවුර් මහේස්ත්‍රාත් අධිකරණය හමුවට ඉදිරිපත් කිරීමෙන් අනතුරුව මෙම මස 27 වැනිදා දක්වා රිමාන්ඩ් භාරයට පත්කරනු ලැබූහ