කුඩු ජාවාරම් සිද්ධිය සම්බන්ධයෙන් නීතිපතිවරයා විසින් පවත්වන ලද දේශනය ආවරණය කිරීමට ගිය මාධ්‍යවේදීන්ට නියෝජ්‍ය පොලිස්පති කාර්යාලයට  ඇතුළුවීමට ඉඩ නොදීම හේතුවෙන් එහි කලබලයක් ඇති විය.

නීතිපතිවරයාගේ දේශනයක් සඳහා පොලිස්පතිවරයා ඇතුළු ඉහළ නිලධාරීන් ඕල්කට් මාවතේ  පිහිටි නියෝජ්‍ය පොලිස්පති කාර්යාලයට අද  කැඳවා  තිබූ අතර එය ආවරණය කිරීම සඳහා මාධ්‍යවේදීන්ටද  දැනුම් දී තිබිණි.
 
නමුත් නීතිපතිවරයා එම ස්ථානයට පැමිණි පසු   එම අවස්ථාව ආවරණය කිරීමට ගිය මාධ්‍යවේදීන්ට පොලිස්පති කාර්යාලය තුළට යාම සඳහා පොලීසිය අවසර ලබා නොදු අතර එහිදී මාධ්‍යවේදීන්  හා පොලීසිය අතර උණුසුම් තත්වයක් හටගත්තේය.
 
(ඡායාරූප - ගයාන් අමරසේකර)