මහරගම  වජිරඤඤාණ  ධර්මායතනයේ නායක  අපවත්වී වදාළ මඩිහේ  පඤ්ඤාසීහ මහනායක  හිමියන් වැඩ විසු කුටියේ  ඉහළ මහලේ  ඇඳක් යට බැඳ තිබූ විශාල දෙබරයක් ඉවත් කිරීමට බිඟු සම්පත  සුරැකීමේ  සංවිධානය පියවර ගත්තේය.

මාස  6ක් පමණ එම කුටිය පරිහරණය  නොවූ අතර  උපස්ථායකයා එහි පිරිසිදු කිරීමට ගිය

අවස්ථාවේ  දෙබරකු  විද ඇති  බවත්  වනජීවී  නිලධාරින්ට  දැනුම්දීමෙන් පසු මහනුවර  බිඟු  සම්පත  සුරැකීමේ  සංවිධානය අඟහරුවාදා (29) රාත්‍රී  පැය තුනක  පමණ  මෙහෙයුමකින්  පසු දෙබරුන්  දාහක් පමණ  සිටි  දෙබරය  කපා  සතුන්ට හානියක් නොවන පරිදි මහනුවර  හන්තාන  රක්ෂිතයට ගෙනැවිත් මුදාහැරීය.

බිඟු සම්පත  සුරැකීමේ  සංවිධානයේ  ලේකම්  බණ්ඩාර  තඹවිට  මහතා  ප්‍රකාශ  කළේ එම විහාරයේ හිමියන්ගේ  ඉල්ලීම  වුයේ සතුන්  නොමරා දෙබරය  ඉවත් කර දෙන ලෙස බවත් ඒ අනුව ප්‍රධාන  උපදේශක  තුෂාර මහින්ද  විජේසිංහ  මහතාගේ  උපදෙස්  මත සුරංග  ජයරත්න, නුවන්  කිර්ති , ප්‍රදීප්  සඳරුවන් යන තාක්ෂණ  ශිල්පීන් දෙබරය ඉවත් කිරීමේ කටයුත්තට එක්වූ බවයි.      

Beez_2015930-----. Beez_2015930----2-. Beez_2015930----3-.