(යොහාන් භාසුර)

ඕස්ට්‍රේලියාවේදී එල්ල වූ ස්ත්‍රී දූෂණ චෝදනාවෙන් නිදොස් කොට නිදහස් වූ ශ්‍රී ලංකා ක්‍රිකට් ක්‍රීඩක ධනුෂ්ක ගුණතිලක ශ්‍රී ලංකාවට අද (3) රාත්‍රීයේ පැමිණීමට නියමිත බව ශ්‍රී ලංකා ක්‍රිකට් ආයතනයේ උසස් නිලධාරියෙක් පැවසීය.

ඕස්ට්‍රේලියාවේදී පසුගිය වසරේ පැවැති විස්සයි20 ලෝක කුසලාන ක්‍රිකට් තරගාවලිය අතරතුරදී ස්ත්‍රී දූෂණ චෝදනාවට නොවැම්බර් මස 6 වැනිදා පොලිසිය අත්අඩංගුවට පත්වූ ධනුෂ්ක  දින කීපයක් බන්ධනාගරගතව මාස 11කට ආසන්න කාලයක් ඕස්ටේ්‍රලියාවේ ගත කළේය.

ධනුෂ්ක නිදොස් කොට නිදහස් කිරීමට පසුගිය සැප්තැම්බර් මස 28 වැනිදා ඕස්ටේ්‍රලියානු අධිකරණය පියවර ගත්තේය.