( ලලිත් නවරත්න)

වෙන්නප්පුව බංඩිරිප්පුව ප්‍රදේශයේ යාබද අසල්වාසී නිවසකට ගමන් කරමින් සිටි දරුවෙකුගේ හිස මතට පොල් ගෙඩියක් වැටීමෙන් එම දරුවා අද( 17) මරණයට පත්ව ඇතැයි උදාසිරිගම පොලීසිය පවසයි.

මෙම අනතුරින් මරණයට පත්ව ඇත්තේ වෙන්නප්පුව බංඩිරිප්පුව පදිංචිව සිටි ජීවන් සස්මින් නැමති වයස අවුරුදු දෙකක දරුවෙකි. මෙම දරුවා යාබද නිවසේ පදිංචි තවත් දරුවෙකු සමඟ එම නිවසට ගමන් කරමින් සිටියදී පොල් ගෙඩියක් දරුවාගේ හිස මතට වැටී ඇත.

 ඒත් සමඟ තුවා ලැබූ දරුවා සිහිසන්ව වැටී ඇති අතර  වැඩිමහල් දරුවාගේ කෑ ගැසීමත් නිසා  එම ස්ථානයට පැමිණි දෙමව්පියන් දරුවාව වහාම ලුණුවිල රෝහලට ඇතුලත් කිරීමට කටයුතු කර තිබිණි.

ඒ අනුව රෝහල් බළධාරීන් අසාධ්‍ය තත්වයේ පත්වන දරුවා වැඩිදුර ප්‍රතිකාර සඳහා මාරවිල රෝහලට ඇතුලත් කර ඇත. අනතුරුව තත්වය බරපතල වීම හේතුවෙන් තවදුරටත් වැඩිපුර ප්‍රතිකාර සඳහා දරුවා කොළඹ මහා රෝහලට ඇතුලත් කළත් එහිදී දරුවා මරණයට පත්ව ඇත.