(බිමල් ශ්‍යාමන් ජයසිංහ)

සිය දියණියට උසුළු විසිළු කිරිම සම්බන්ධයෙන් කෝප වි තරුණයෙකුගේ පපුවට පිහියකින් ඇන ඝාතනය කිරීම සම්බන්ධයෙන්  සොයමින් සිටි සැකකරුවකු  අද (28) භාර වීමෙන් අනතුරුව අත්අඩංගුවට ගත් බව ග්‍රෑන්ඩ්පාස්  පොලිසිය කියයි

සැකකරු ඝාතනය සඳහා යොදාගත් උල් පිහිය සහ එම අවස්ථාවේ හැඳ සිටි ඇඳුම් මෙන්ම ඔහුට නවාතැන් දුන් කුළුපග මිතුරා  ද පොලිසිය මගින් අත්අඩංගුවට ගෙන ඇත.

සිද්ධියෙන් ඝාතනයට ලක්වූයේ  ග්‍රෑන්ඩ්පාස්  දෙවැනි නවගම්පුර ප්‍රදේශයේ පදිංචිව සිටි  පරමානන්දන් දිනේෂන් 21 තරුණයායි.

සැකකරු තිදරු පියකු වන අතර ඔහු දෙවැනි නවගම්පුර ප්‍රදේශයට පිටස්තරයකු වන අතර නිවසක් කුලී පදනම මත  ලබාගෙන එම ප්‍රදේශයේ  පදිංචිව සිටින බව පොලීසිය කියයි.