දරුවාට කිරි දෙන්න නම් කුඩු දෙන්නැයි මවක් පොලිසිය පෙරළයි

(චාපා මධුභාෂිණි)
 
මත් කුඩු ලබා දෙන්නේ නම් පමණක් දරුවාට මව් කිරි ලබා දෙන බව පවසමින්පොලිස් අත්අඩංගුවේ සිටි මවක්  පොලීසිය දෙවනත් කරමින්  කෑ ගෑසු පුවතක් අද (06)  මින්නේරිය පෙලීසියෙන් වාර්තා විය.
 
මින්නේරිය පටපිලිකන්ද ප්‍රදේශයේ නිවසක් තුළ මත්කුඩු පානය කරමින් සිටි කාන්තාවක් සහ පිරිමි පුද්ගලයින් 2 මින්නේරිය පොලිසිය විසින් ඊයේ ( 5)   අත්අඩංගුවට ගත් අතර එම කාන්තාව ඒ අවස්ථාවේ කුඩු පානය කරමින්  අවුරුද්දක් වයසැති පුතුට කිරි ලබා දීමෙන් දරුවා මත්ව සිටි බව පොලිසිය කීය.
 
පොලිස් අත්අඩංගුවේ පසුවෙද්දී  කුඩා දරුවා  අද උදෑසන පොලීසියේදී  මවගෙන් කිරි ඉල්ලා හඬා වැළපුනද ඇයට කුඩු ලබා දෙන්නේනම් පමණක් තම දරුවාට කිරි ලබා දෙන බව ඇය පොලිස් නිළධාරීන් ඉදිරියේ කෑමොරදෙමින් පවසා ඇත.
 
මව ගත්  මත්කුඩු  කිරි සමඟ දරුවාටගේ  ශරීරයට ඇතුළු වීමෙන්  මත්ව සිටි දරුවාගේ තත්ත්වයද මේවන විට සාමාන්‍ය අතට පත්ව ඇති බව පොලිසිය කියයි.

ඇය අවුරුදු 22 පමණ වන එක්දරු මවක බව පොලිසිය කියයි.
 
දරුවාට ඊයේ  (5) දිනයේදී පිටි කිරි ලබා දීමට පොලිස් කාන්තාවන් කටයුතු කළ බව පොලිස් නිලධාරියෙක් පැවසීය.
 
දරුවා තම මවගෙන් කිරි ඉල්ලා කොතෙක් හඬා වැලපුනද ඇය තම දරුවාට කිරි ලබාදීමට කටයුතු නොකරන බව පොලිස් නිලධාරියෙක්  පැවසීය.
 
මෙම කාන්තාව මත්කුඩුවලට විශාල ලෙස ඇබ්බැහි වී ඇති බව පොලිසිය කළ මූලික පරීක්ෂණවලදී අණාවරණය වී ඇත.
 
මින්නේරිය පටපිලිකන්ද ප්‍රදේශයේ පදිංචි මෙම කාන්තාව තම බාල සොහොයුරා සහ තවත් පිරිමි පුද්ගලයෙකු මත්කුඩු සමඟ  මින්නේරිය පොලිසිය  අත්අඩංගුවට ගෙන ඇත. මත්කුඩු පානය කරමින් සිටි කාන්තාව සහ පිරිමි පුද්ගලයින් තිදෙනා සමඟ පොලිස් නිලධාරීන්ට සාපරාදී ලෙස බලහත්කාරකම් කොට බියවැද්දීමේ චෝදනාව මත අත්අඩංගුවට ගත් මව සහ එම නිවස ඉදිරිපිට ගංජා පානය කරමින් සිටි පුද්ගලයා ඇතුළු 5 දෙනා අද  (6) හිගුරක්ගොඩ මහේස්ත්‍රාත්වරයා වෙත ඉදිරිපත් කිරීමට නියමිතව තිබුණි.