රන්ගිරි දඹුලු රජමහා ලෙන් විහාරය ලෝක උරුම ලැයිස්තුවෙන් ඉවත් කිරීමේ අවදානමක් පවතින  බව යුනෙස්කෝ සංවිධානයේ අධ්‍යක්ෂ ජනරාල් එරීනා බොකෝවා කළ ප්‍රකාශය සම්බන්ධයෙන් දඹුලු විහාරිය මහා සංඝරත්නය පැවසූයේ දඹුල්ල බොදුනුවන්ගේ උරුමයක් මිස ලෝක උරුමයක් නොවන බවයි.

විවිධාකාරයෙන් බෞද්ධ ස්ථාන විනාශ කළාට දඹුල්ල විහාරය අතීතයේ සිටම මහා සංඝරත්නය විසින් ආරක්ෂා කරගෙන ආ බව සියම් මහා නිකායේ රන්ගිරි දඹුලු විහාර පාර්ශවයේ මහා ලේඛකාධිකාරී ආචාර්ය දානියගම ආනන්ද හිමියෝ කියති.

වත්මන් විහාර භාරකාර අඹගස්වැව රාහුල නා හිමියෝ කිවේ දඹුලු රජමහා විහාරය බොදු උරුමයක් විනා ලෝක උරුමයක් නොවන නිසා ඉදිරියේදී මහා සගරුවන සමග දඹුල්ල ආරක්ෂා කරගැනීමේ වැඩපිළිවෙළක් සකසන බවයි.