කැලණිවැලි දුම්රිය මාර්ගයේ අවිස්සාවේල්ලේ සිට කොටුව දක්වා ධාවන වූ දුම්රියට නාරාහේන්පිට දී ගල් ගැසුවේ යැයි කියන අවුරුදු 16, 17 හා 18 වයසැති තරුණයන් තිදෙනාගෙන් දෙදෙනකු ලබන 25 දක්වා රිමාන්ඩ් කරන ලෙස කොළඹ අතිරේක මහේස්ත්‍රාත් චන්දන කලංසූරිය මහතා අද (18) නියෝග කළේය.

වයසු අවුරුදු 16 සැකකරු මාකොළ ළමා සුරැකුම් මධ්‍යස්ථානයකට යොමු කරන ලෙසද මහේස්ත්‍රාත් නියෝග කළ අතර සැකකරුවන් නාරාහේන්පිට පිච්චමල්වත්ත උසාවියවත්තේ පදිංචිකරුවෝ වෙති.

ගල් ප්‍රහාරයෙන් දුම්රියේ වීදුරු කිහිපයක් බිඳී ඇති බවත් පොලිසිය ඔවුන්ගෙන් ප්‍රශ්න කිරීමේදී විනෝදයට ගල් ගැසූ බවත් සැකකරුවන් පැවසූ බව පොලිසිය කියයි.