කුරුණෑගල නගරයේ ප්‍රසිද්ධ ස්ථානවල දුම්පානය කළැයි අත්අඩංගුවට ගෙන අධිකරණයට ඉදිරිපත් කළ සිවුදෙනකුට හා දුම්පානයට ඉඩ ලබාදුන් වරදට තවත් පස් දෙනකුට රුපියල් 2000 බැගින් දඩ නියම කිරීමට කුරුණෑගල අතිරේක මහේස්ත්‍රාත් චාමර වික්‍රමනායක මහතා නියෝග කළේය.

එසේ දුම් බීමේ වරදට දඩ නියමවූයේ ඩබ්ලිව්.පී.ජී.සරත්, ලයනල් රාජපක්ෂ, එල්.ඒ.ප්‍රේමසිරි, ටී.එම්.ටී.ආර්.ඒකනායක යන අයයි. දුම්පානයට ඉඩ ලබාදුන් පී.ඩී.ඉන්ද්‍රානී, ආර්.ඩී.ලලිතා, ඩබ්ලිව්.එම්.ජේ.බණ්ඩාර, එන්.ජේ.එම්.රික්ෂාන්, කේ.සී.විජේසේකර යන අයට ද දඩ නියමි විය.

දුම් පානය කළැයි චෝදනා ලැබ අධිකරණයට නොපැමිණි ආර්.එල්.තරිඳු නාමල්, කපිල කුමාර හේරත්, ගාමිණී උදයකුමාර, සී.එන්.නානායක්කාර, ඒ.ඩී.චන්දන, කේ.ඒ.රණසිංහ බංඩා හා ජේ.එම්. ජයසුන්දර යන අයට අධිකරණය වරෙන්තු නිකුත් කළේය.

කරුණෑගල මහ නගර සභාවේ සෞඛ්‍ය අංශය එම පුද්ගලයන්ට එරෙහිව නඩු පවරා තිබිණි.