කල්පිටිය දූපත් වලට අයත් බත්තලංගුණ්ඩුව, පල්ලිය වත්ත, උච්චමුණේ යන දූපත්හි ධිවරයෝ අද (14) කලකට පසු සිය දරු මල්ලන් ද සමඟ ගම්බිම් බලා ඒම ඇරඹුහ. මීගමුව ,හලාවත, මාදම්පේ වැනි පෙදෙස් වල පදිංචි ඔවුන් ගම්බිමි බලා එන්නේ ලබන 17 වැනි දා මහ මැතිවරණයට ඡන්දය දීම සඳහාය. කල්පිටිය ජැටියට බෝට්ටු වලින් පැමිණිමටත් සෑහෙන මුදලක් වැය වන බව ඔවුහු කියති.

මෙම දුපත්හි 1500 ක් පමණ ධිවරයන්ගෙන් සියයකට පමණ ඡන්දය හිමි බව බත්තලංගුණ්ඩුවේ එමානුවෙල් මහතා කියයි." ජන්දය දෙන්න ලොකු මුදලක් අපට වැය වෙනවා. එහෙත් ජන්දය ඉතා වටිනා දෙයක් නිසා අප අපේ යුතුකම කරනවා. එත් අපේ ජන්දයට නියම වටිනාකමක් ලැබී නැහැ"