(ඩයනා උදයංගනී)

කොවිඩ් ආසාදිතවූ තවත් 17 දෙනකු ඊයේ (8) මරණයට පත් වී ඇතැයි සෞඛ්‍ය සේවා අධ්‍යක්ෂ ජනරාල්වරයා අද (9) තහවුරු කළේය.

ඒ අනුව ඊයේ දිනය තුළ මෙරට සිදුව ඇති කොවිඩ් මරණ සංඛ්‍යාව 111ක් වන අතර මෙය දිනක් තුළ සිදු වූ වැඩිම කොවිඩ් මරණ සංඛ්‍යාව වේ.

ඒ සමඟ මෙරටින් වාර්තා වූ මුළු කොරෝනා ආසාදිත මරණ සංඛ්‍යාව 5,222 ක් දක්වා ඉහළ ගොස් ඇත. මියගිය අය අතර පිරිමි අය 56 දෙනෙක් සහ කාන්තාවෝ 55 දෙනෙක් වෙති.

මියගිය අයගෙන් 90 දෙනෙක් වයස අවුරුදු 60 ට වැඩි අය වන අතර අවුරුදු 30 ත් 59 ත් අතර වයසේ පසුවන 21 දෙනෙක් ද වෙති