(සුජිත් හේවාජුලිගේ)

තොරතුරු සහ සන්නිවේදන තාක්ෂණ ආයතනයේ (I.CT.A) ප්‍රධාන විධායක නිලධාරී මහේෂ් පෙරේරා මහතා එම තනතුරින් ඉවත් කරනු ලැබ ඇත.

මේ සම්බන්ධයෙන් අප කළ විමසුමක දී අදහස් දැක්වූ ඩිජිටල් ආර්ථික අමාත්‍යාංශයේ ලේකම් වරුණ  ශ්‍රී ධනපාල මහතා පැවසුවේ විගණන වාර්තාවකින් හෙළිදරව් කෙරුණු කරුණු පදනම් කරගෙන ඔහු එම තනතුරින් මෙසේ ඉවත් කෙරුණු බවයි.

අදාල සිද්ධිය පදනම් කරගෙන  ඔහුට  කරුණු ඉදිරිපත් කිරීමටද අවස්ථාව සලසාදී ඇතැයි   හෙතෙම සඳහන් කළේය.

මේ අතර තොරතුරු සහ සන්නිවේදන තාක්ෂණ ආයතනය ඈවර  කිරීමට කටයුතු කරන බවත් ඊට කැබිනට් මණ්ඩලයේ අනුමැතිය ලැබී ඇති බවත්  ලේකම්වරයා පැවසීය.