ජාත්‍යන්තරයේ පවා උත්තමාචාරයට පාත්‍ර වූ තෙරේසා මවුතුමිය පිළිබඳ බොලිවුඩ් චිත්‍රපටයක් නිර්මාණය කිරීමට විශිෂ්ට ගණයේ චිත්‍රපට අධ්‍යක්ෂවරයකු වන ෂ්‍යාම් බෙනගාල් සූදානම් වෙයි. කෙසේ වෙතත් මේ පිළිබඳව අදහස් දක්වමින් අධ්‍යක්ෂ බෙනගාල් පවසනුයේ තමන් එකල පැවැති මිෂනාරී සංස්කෘතිය හා අරගලය පිළිබඳව දැක්වූ උනන්දුව තෙරේසා මවුතුමියගේ ජීවිතය පිළිබඳව වෙනස්ම අධ්‍යයනයක් කරා හිත පෙළඹවූ බවත්, එය සිනමා කෘතියකට නැගීමට තමන් අදහස් කළේ එබැවින් බවත්ය. කෙසේ වෙතත් තෙරේසා මවුතුමියගේ ජීවන කතා ප්‍රවෘත්තිය සිනමාපටයකට ගත් පළමු අවස්ථාව මෙය නොවේ.