හැටන් කොටගල නගරයේ හින්දු කෝවිලක පූජකවරයකුට එරෙහිව ලැබුණු පැමිණිල්ලක් විභාග කිරීමට දිඹුල පොලිසියට පැමිණෙන ලෙස කළ දැනුම්දීමකට එරෙහි වූ බව කියන පාර්ලිමේන්තු මන්ත්‍රී ආරුමුගම් තොණ්ඩමන් මහතා දිඹුල පොලිසිය අසළට ගොස් නිලධාරීන්ට දෝෂාරෝපණය කර ඇතැයි පොලිස් ආරංචි කියයි.

දිඹුල පොලිසිගේ ගේට්ටුව අසලට ගොස් ස්ථානාධිපතිට එළියට පැමිණෙන්නැයි දැනුම් දී ඇති බවත්, ස්ථානාධිපතිවරයා වෙනත් රාජකාරියක සිටි නිසා උප පොලිස් පරික්ෂකවරයකු පැමිණ ඇමැති සමග සාකච්ඡා කර ඇති බවත්, ඕනෑම ආගමක නායකයකුට එරෙහිව පැමිණිලි ලදහොත් ඔහු පොලිසියට ගෙන්වීම අසාධාරණ බවත්, පොලිසිය ගොස් ප්‍රකාශ සටහ් කර ගත යුතු බවත් තොණ්ඩමන් මහතා කීවේයැයි පොලිසිය පවසයි.

‘රටේ අගමැතිට හෝ ප්‍රභූවරයකුට එරෙහිව පැමිණිල්ලක් ආවොත් ඔහු පොලිසියට ගෙන්වාගෙන ප්‍රකාශ සටහන් කර ගන්නවාද? යැයි ඔහු පොලිසියෙන් ප්‍රශ්න කර තිබේ.

මීට පෙරද තොණ්ඩමන් මහතා පොලිසිය සමග වාදයක පටැලවී තිබිණි.