ඩුබායිහි රථවාහන අලෙවිසලක සේවයේ නිරතව සිටියදී එහි තිබූ මෝටර් රථ 11ක් සොරකම් කොට  අනවසරයෙන් විකුණා පළා ගිය ශ්‍රී ලාංකික සේවකයන් තිදෙනකුට ඩුබායි අපරාධ අධිකරණය වසර තුන බැගින් සිර දඬුවම් නියම කර ඇතැයි ඩුබායි තානාපති ආරංචි මාර්ග පවසයි.


ඩොලර්  මිලියන 2.8ක් (රුපියල් මිලියන 410) වටිනා මෝටර් රථ 11ක් මෙම ලාංකික සේවකයින් එහි හිමිකරු විදේශ ගතව සිටින අවස්ථාවක විකුණා පළා ගොස් ඇති බවට එරට අධිකරණය හමුවේ ගොනු වූ නඩු විභාගයකින් පසුව මෙම දඬුවම් පනවා ඇත.

ඔවුන්ට සිර දඬුවමට අමතරව අධිකරණය ඔවුන්ට ඩිරාම්  එක්ලක්ෂ 50,000 බැගින් වූ මුදල් දඩ ද නියම කර ඇති අතර සිර දඬුවම් කාලය නිමවීමෙන් පසුව ඔවුන් රටින් පිටුවහල් කරන ලෙසද නියෝග කැර ඇත.