ඩෙන්මාර්කයේ රැකියා දෙන බව කියමින් කොටුගොඩ නැදගමුවේ කාර්යාලයයක් පවත්වාගෙන යමින් 50 දෙනකුගෙන් රුපියල් ලක්ෂ 25 ක් පමණ වංචා කළැයි සැකපිට ලක්ෂ්මී දීපිකා බාලසූරිය නම් කතක ගම්පහ මහේස්ත්‍රාත් හේෂාන්ත ද මෙල් මහතා විසින් ලබන 26 තෙක් රිමාන්ඩ් කරනු ලැබීය.

ඇය ළඟ තිබී විදේශ ගමන් බලපත් 46 ක් ද අත් අඩංගුවට ගැනිණි. විදේශ සේවා නියුක්ති කාර්යාංශයේ විශේෂ සේවා ඒකකය ඇය අධිකරණයට ඉදිරිපත් කළේය.

ඇයට එරෙහිව පැමිණිලි 19 ක් ලැබී ඇත.