මේ වනවිට ජනප්‍රිය ගායිකා කැතී පෙරීගේ ට්විටර ගිණුම වැඩිම රසිකයන් පිරිසක් නැරඹූ ගිණුම බවට පත් වී ඇති අතර, ඇය වටා සිටින පිරිවර මිලියන 90ක් ලෙසයි වාර්තාවෙයි. මේ අනුව ඇය, ජනප්‍රිය ගායිකා ටේලර් ස්විෆ්ට්ගේ ගිණුමටද අභියෝග කරමින් හොඳ තරගයක් ලබාදී ඇත. සෑම දිනකම පුවත් මවන ඇමෙරිකානු ගායිකාවක වන පෙරී, ගායිකාවක මෙන්ම ගී පද රචිකාවියක, නිළියකද වෙයි.

ඇය මතභේදයට තුඩුදෙන නිර්මාණ ශිල්පියක වන්නේ 2008 වසරේදී ඇය සමලිංගිකයන් තේමා කර ගනිමින් නිර්මාණය කළ "I kissed a Girl" ගීතයත් සමගිනි. එතැන් පටන් ඇය බිල්බෝර්ඩ් දර්ශකය කළඹවන ගීත ඇල්බම කිහිපයක්ම නිකුත් කළ අතර, මේ අතුරින් "Hot n Cold", "Teenage Dream: The Complete Confection" යන ඇල්බම කැපී පෙනෙයි.