(බුලත්සිංහල ලක්මි කුඩලිගම)

හදිසියේ පැමිණි තද සුලං සහිත ටොනේඩෝවකට අසුව  කළුතර නාගොඩ  නාගොඩ කර්මාන්ත පුරයේ පිහිටි බෝට්ටු කර්මාන්ත ශාලාවකට දැඩි හානි සිදුව අවට නිවාස හතරකටත් සුළු හානි සිදුව ඇතැයි ප්‍රාදේශීය ලේකම් කාර්යාලය කියයි,

කර්මාන්ත ශාලාවේ හිමිකරුවන් සහ අවට නිවැසියන් අදාල ග්‍රාම නිලධාරිවරයා සහ ආපදා කලමනාකරණ දෙපාර්තමේන්තුවට මේ පිළිබඳව දැනුම් දීමෙන් අනතුරුව ඔවුන් පැමිණ විමර්ශන කටයුතු ආරම්භ කර ඇත.

මෙම කුණාටුව සුළු පරිමාන ටොනේඩෝ වර්ගයට අයත් එකක් බව ඔවුන් විසින් ප්‍රකාශ කර ඇතැයි කර්මාන්ත ශාලා ප්‍රකාශකයෙක් පැවැසීය.

කළුතර ප්‍රාදේශීය ලේකම් එස් ත්‍රිමාන්න මහතාගෙන් අප කළ විමසීමේ දී පවසා සිටියේ ස්ථාන පරීක්ෂණයක් සිදු කළ බවත් බෝට්ටු නිෂ්පාදන ආයතනයට පමණක් දැඩි හානි සිදුව ඇති බවයි.

ඒ සඳහා අවශ්‍ය ආයතන දැනුවත් කර ඇති බවත් සිදු වූ හානිය වෙනුවෙන් සහ කර්මාන්ත ශාලාවේ අංගනයේ හානිය ට තක්සේරු කොට අවශ්‍ය කටයුතු සිදු කරන බවයි.