(හිරාන් ප්‍රියංකර ජයසිංහ)

ටොනාඩෝවකින් හලාවත කරුකුපනේ කොරයාපුර කනිටු විදුහලේ ගොඩනැගිලි රැසක වහලයට හානි සිදුවීමෙන් ලක්ෂ 15 කට අධික හානියක් සිදුව ඇතැයි කියති.

පාසලේ ඇස්බැස්ටෝ හා උළු සෙවිලි කර තිබු ගොඩනැගිලි කිපයක වහලය මෙලෙස සුළගට ගසා ගෙන ගොස් හානි සිදුව තිබේ.

සුළග සමග ආ වැස්ස නිසා පංති වලට වැසි වතුර ගලා එමෙන් පරිගණක ඒකකයටද  හානි සිදුව බව කියයි.

ඊයේ(29 ) ඉරු දිනයක් විම නිසා කිසිවකුටත් හානියක් සිදුව නොමැති බවත් පාසලේ සේවිලි කර තිබු ඇස්බැස්ටෝ තහඩු මිටර් 50 වැඩි දුරකින් වු කරුකුපනේ කලපුවට විසිවි ගොස් තිබු බවද කියයි.

පාසලේ විදුහල්පති අසිත ඒකනායක මහතා පවසා සිටියෙ මේ හානිය පිළිබදව ඉහල බළධාරීන් දැනුවත් කර ඇති බවයි.ඒ සමගම නැවත වහලය සකසා ගැනිමට විශාල මුදලක් වැය කිරීමට සිදුවනු ඇතැයිද විදුහල්පතිවරයා කීවේය.