ලොවපුරා අතිශය ජනපි‍්‍රය හොංකොං ජාතික සිනමා නළු ජැකී චෑන් (62) සිනමාව වෙනුවෙන් කළ සුවිශේෂි දායකත්වය සලකා ජීවිතයේ එක්වරක් පමණක් ලැබෙන ඔස්කාර් ගෞරව සම්මානය ලබාදීමට ඔස්කා සංවිධායක කමිටුව තීරණය කර ඇති බව වාර්තා වෙයි.

1962 වර්ෂයේ සිට සිනමා කේෂ්ත‍්‍රයේ රැදී සිටින ඔහු මේ දක්වා දායක වී ඇති චිත‍්‍රපට සංඛ්‍යාව 150 කට අධිකයි. ඔහු මෙතෙක් කිසිදු ඔස්කාර් සම්මානයක් දිනා ගෙන නොතිබීම ද විශේෂත්වයකි.

1954 වසරේ උපත ලබන ඔහු නළුවෙක් මෙන්ම සටන් ශිල්පියකු ලෙස ද ලොවපුරා අතිශය ජනපි‍්‍රයත්වයට පත් වී සිටියි.

ජැකී චෑන් රගපෑ රෂ් අවර්, රම්බල් ඉන්ද බ්‍රොංන්ක්ස් හා කුංෆු පැංඩා යන චිත‍්‍රපට ලොවපුරා අතිශය ජනපි‍්‍රයත්වයට පත්වූ අතර දැනට ලෝකයේ දෙවන වැඩිම මුදලක් අයකරන නළුවා වන්නේ ඔහුය.