මහ මැතිවරණයේ ප්‍රධාන අපෙක්ෂකයන් දෙදෙනා වන අගමැති රනිල් වික්‍රමසිංහ මහතාගේ සහ හිටපු ජනපති මහින්ද රාජපක්ෂ මහතාගේ ජන්ම පත්‍ර සියුම් ලෙස පරීක්ෂා කිරීමේදී රනිල් වික්‍රමසිංහ මහතා ජය ලබන බව පෙනී ගියේ යැයි ජ්‍යෙතීර්වේදී ජී.එම්.ගුණපාල මහතා කොළඹ පැවැති ජාතික විද්වත් මණ්ඩලයේ මාධ්‍ය හමුවකදී පැවසීය.

හිටපු ජනපති මහින්ද රාජපක්ෂ මහතා ඒරාෂ්ඨකයක් ගෙවමින් සිටින අතර ඔහු සියලු බලාපොරොත්තු අභිමතාර්ථ හා අපේක්ෂා බිඳ වැටෙන දශාවක් ගෙවමින් සිටින බවත් ඔහු කීවේය.

මැතිවරණය පැවැත්වෙන 17 වැනිදා පෙරවරු 7 සිට රාත්‍රී 7 දක්වා මිනිත්තු 540 න් රාජපක්ෂ මහතාට සුබ වේලාව පවතින්නේ මිනිත්තු දෙකක් පමණක් යැයිද ඔහු පවසයි.

මෑත ඉතිහාසයේදී සඳුදා දිනවල මැතිවරණ පවත්වා නැතැයි කී ඒ මහතා මෙවර මැතිවරණය පැවැත්වෙන සඳුදා දිනය මහින්ද රාජපක්ෂ මහතාට අසුබ වන අතර රනිල් වික්‍රමසිංහ මහතාගේ ග්‍රහචාරය අනුව ඉතා සුබ වන බවද කීවේය.