(යොහාන් භාසුර)

ජනාධිපතිවරණයේදී ඡන්දදායකයෙක් වෙනුවෙන් වියදම් කරන මුදල රුපියල් 20 ක උපරිමයකට යටත් කරන ලෙස ඉල්ලා ජනාධිපති ධූර අපේක්‍ෂක ජනක රත්නායක මහතා මැතිවරණ කොමිසමට ලිපියක් භාරදුන්නේය.

මැතිවරණ වියදම් නියාමන යටතේ මැතිවරණ කොමිසම කළ මත විමසුමේදී ශ්‍රී ලංකා පොදුජන පෙරමුණ සහ සමඟි ජනබලවේගය ඡන්දදායකයෙක් සඳහා රුපියල් 300 ක් සහ රුපියල් 250 ක් යෝජනා කළ බවත් ජාතික ජනබලවේගය ඡන්දදායකයෙක් සඳහා රුපියල් 200 ක් සහ ජනාධිපති රනිල් වික්‍රමසිංහ මහතා රුපියල 250 ක් යෝජනා කළ බවත් ජනක රත්නායක මහතා පවසයි.

එම අපේක්‍ෂකයන් යෝජනා කළ පරිදි මැතිවරණය සඳහා යෝජනා කළ අති විශාල මුදල පිළිබඳව දැඩි ගැටලුකාරී තත්වයක් මතු වන බව කියන රත්නායක මහතා උපරිම මුදල රුපියල් 20 ක් ලෙස තීරණය කරන ලෙස ඉල්ලා සිටින බව ද කියා සිටියි.