(කේ බුද්ධික කුමාරසිරි)

කියුබානු විප්ලවවාදියකු වන අර්නස්ට් චේ ගුවේරා ගේ 57 වන අනුස්මරණ නිමිත්තෙන්   වූ සැමරුම් වැඩසටහන මෙරට කියුබානු තානාපති ඇන්ඩෙරේස් මර්චෙලෝ මහතාගේ ප්‍රධානත්වයෙන් විශාල පිරිසකගේ සහභාගිත්වයෙන් මොරගහහේන යහලකැලේ වත්තේ මැහෝගනී වෘක්ෂය අසලදී පැවැත්විණි.

අර්නස්ට් චේ ගුවේරා කියුබානු ඇමතිවරයෙකුව සිටියදී වර්ෂ 1959 දී රබර් පිළිබදව පර්යේෂණයක් සදහා මෙරටට පැමිණි අවස්ථාවේදී මෙම මැහෝගනී වෘක්ෂය රෝපණය කර ඇත.

සමාජවාදී තරුණ සංගමය විසින් සංවිධානය කල මෙම සැමරුම් වැඩසටහන සදහා ජනතා විමුක්ති පෙරමුණේ ප්‍රධාන ලේකම් ටිල්වින් සිල්වා එම තරුණ සංගමයේ ජාතික සංවිධායක එරංග ගුණසේකර මහතා ඇතුලු විශාල පිරිසක් සහභාගී විය  .