’’ගනේමුල්ල සංජීවගේ දේහය භාර ගැනීමට කවුරුත් නැහැ’’

(බිමල් ශ්‍යාමන් ජයසිංහ )

අලුත් කඩේ අංක පහ අධිකරණ සංකීර්ණය තුළදී වෙඩි ප්‍රහාරයට ලක්ව ඝාතනයට ලක් වූ අපරාධ කල්ලි නායක ගනේ මුල්ල සංජීව නමැත්තාගේ මෘත දේහය භාර ගැනීම සඳහා නිශ්චිත අයෙක් මෙතෙක් ඉදිරිපත් නොවූ බව කෙසෙල් වත්ත පොලිසිය කියයි

ගනේමුල්ල සංජීව මියගොස් ද මේ වන විට පැය 24ක් ඉක්ම ගොස් ඇත

මිනුවන්ගොඩ  පදිංචි ගනේමුල්ල සංජීවගේ සහෝදරිය ඉදිරිපත් වුවද ඇයගේ වාසගමේ පවතින වෙනස්වීමක් හේතුවෙන් ඇයට මෘත දේහ භාර නොදුන් බව පොලිසිය කියයි

ගනේමුල්ල සංජීවගේ බිරිඳ සිටියද ඇය මෙතෙක් ඉදිරිපත් නොවූ බවද පොලිසිය වැඩිදුරටත් සඳහන් කරයි

 ගනේමුල්ල සංජීව ගේ දේහය මේ වන විට පොලිස් මෘත  ශරීරාගාරයේ තැන්පත් කර ඇත

කෙසෙල් වත්ත පොලිසිය පරීක්ෂණ  පවත්වයි