(ජේ.කේ.එල්. චාමින්ද)

ආපදාකළමණාකරණ මධ්‍යස්ථානය මගින්  ගලේවෙල  ප්‍රා දේශිය සභාවට සහ ඒ අවට පොදු භුමියට සිදුවන  ගංවතුර හානිය වලක්වාගැනිමේ  ව්‍යාපෘතිය සදහා රුපියල් 43,297,181 වැයකොට  ගලේවල මහජන ක්‍රිඩාංගනය හා  ප්‍රේක්ෂකාගාරය  අලුත්වැඩියා කළද  මෙකි ව්‍යාපෘතියේ අපේක්ෂිත අරමුණු ඉටුවි නොතිබු බව ජාතික විගණන කාර්යාලය මගින් නිකුත්කොට ඇති නවතම විගණන වාර්තාවක් මගින් අනාවරණය වි ඇත.

 මෙය ආපදා සදහා  ප්‍රතිචාර දැක්විමේ  සුරක්ෂිත සහන මධ්‍යස්ථානයක් ලෙස  අලුත්වැඩියා සිදුකළ ද  ඊට අවශ්‍ය කිසිදු පහසුකමක් එහි  නොතිබුණි. මේ සදහා රුපියල් 2,032,633ක් වැය කර  මිලදි ගෙන තිබු යන්ත්‍ර හා උපකරණ  වලින් නැවත  භාවිතා කළහැකි  රුපියල් 1,316,948 වටිනා  යන්ත්‍ර හා උපකරණ  ගලේවෙල ප්‍රා දේශිය සභාවට හෝ  ආපදා කළමණාකරණ දිස්ත්‍රික් ඒකකයට  භාරදි නොතිබු බවද විගණන වාර්තාවේ සදහන් වේ.

 මේ සම්බන්දයෙන් ආපදා කළමණාකරණ මධ්‍යස්ථානයේ ගණන්දිමේ නිලධාරිවරයා විසින්  විගණනයට කිසිවක් සදහන් කොට නොතිබුණි.

 ආපදා අවම කිරිම සදහා වෙන්කළ ප්‍රතිපාදන මුදල් පලදායි ලෙස ප්‍රසම්පාදන කටයුතු සිදුකර  අපේක්ෂිත අරමුණු  ලගාකරගැනිම සදහා  මධ්‍යස්ථානය විසින් නිසි අධික්ෂණයක් සිදුකළ යුතු බවට  විගණනය මගින් නිර්දේශකොට ඇත.

ආපදා කළමණාකරණ මධ්‍යස්ථානය සම්බන්දයෙන් 2024 වර්ෂයට අදාළව නිකුත්කොට ඇති විගණන වාර්තාවේ මෙම තොරතුරු ඇතුළත්ව ඇත.