කොළඹට/මහරගමට නව රථවාහන සැලැස්මක්

හයිලෙවල් පාරෙන් දෙහිවල පාරට හරවන ඔරලෝසු කණුව ළඟ සිග්නල් ලයිට් පද්ධතියක් මෙම වැඩ පිළිවෙල ක්‍රියාත්මක කිරීමට පෙර අනිවාර්යයෙන් සවිකළ යුතුයි (බ)

මහරගම බෝ ගහ ළඟින් හෝමාගම පැත්තට වාහන දැනට යන පාර ගැන ටිකක් සලකලා බලන්න. ප්‍රධාන බස් නවතුම්පොලත් එතෙන, අවිස්සාවේල්ල හෝමාගම කොට්ටාව බස් නතර කරන්නෙත් එතෙන, වෙළෙන්දෝ පාර දෙපැත්තේ වෙළඳාම් කරන්නෙත් එතෙන, කිසිදු සංවරයක් නැතිව පදිකයෝ දෙපැත්තටම පාර පනින්නේත් එතෙන. ඒ පාර හරිම පටු පාරක්. මහරගම නගරයේ වාහන තද බදය ඇතිවෙන්නේ මෙතනින්. මෙන්න මේ ස්ථානයේ යම් කිසි සංවර කමක් ඇති කලොත් මහරගම වාහන තද බදය අඩු කරගන්න පුළුවන් වේවි කියල හිතනවා. (බ)

වැදගත් පවුල් වලට වාහන තිබුණැයි අදහස් කරන්නේ දැන් වාහන තියෙන්නේ නොවැදගත් අයටද? මිනිස්සු පුද්ගලික වාහන භාවිතය වැඩි කරන්නේ පොදු ප්‍රවාහණය අකාර්‍යක්ෂම නිසා. අනික වාහනයක් කියන්නේ කුලවත් කම වංශවත් කම පෙන්වන උපකරණයක් නෙමෙයි. දැන්වත් හණමිටි අදහස් වලින් ඉවත් වෙන්න. දිමුතු. (බ)

හැමෝම හැමදාම කතාකරන්නේ පාරවල් පළල් කරන එකයි වාහන හසුරුවන හැටියි. අලුත් පාරවල් වල අලුත් කාර් වල නැගලා යන මිනිසුන් දිවයිනේ දෛනික අපරාධ වලට දායකවෙන හැටි අහනකොටත් ඇඟ හිරිවැටෙනවා. බාහිර දේවල් ඔප කරනවාට වඩා මිනිසුන්ගේ විනය ගරුකත්වය හා ශීලාචාරකම වැඩිදියුණු කරන ක්‍රමයක් දේශපාලුවන්ගේ ඔලුවේ කිසිදාක පහළවෙන එකක් නැහැ. (නි)

අනේ පුලුවන් නම් මහරගම හන්දියේ කහ ඉරට පිටින් පදිකයෝ පාර පනින එක නවත්තලා දෙන්න. අපිට හරිම කරදරයක් ඒක. විශේෂයෙන්ම හන්දියේ තියෙන ඔරලෝසු කණුව හරහා පමුණුව පාරෙන් එන පදිකයෝ මුළු පාරේම වාහන ගමනට බාධා කරනවා. හන්දියේ යාර 150 ඇතුළත කහ ඉරි දෙකක්ම තියෙනවා. ඒත් මිනිස්සු ඒවා භාවිතා නොකර කෙළින්ම පාර පනිනවා. (නි)

පොදු ප්‍රවාහනය දියුණු රටවල මට්ටමට සංවර්ධනය කිරීම අවශ්‍යයි. එතකොට පුද්ගලික වාහන පරිහරණය අඩුවෙනවා. මොන සැළසුම් දැම්මත් වාහන තදබදය අඩුවක් නැහැ (නි)

ඉතා ඉක්මනින් ක්‍රියාවට නංවයි කියා බලාපොරොත්තු වෙමු. විශේෂයෙන්ම මහරගම හරහා අධිවේගී මාර්ගයට යන අය රථවාහන තදබදය නිසා අපහසුතාවට පත්වෙනවා. (නි)

ඉස්සර කාර් එකක තිබුනේ කොළඹ වැදගත් පවුල්වලට අයට පමණයි. දැන් හැම කෙනාම වාහන අරගෙන කොළඹ මිනිස්සුන්ටත් අනිත් අය එක්ක එකට පාරේ තදබදයේ රස්තියාදු වෙන්න වෙලා. බදු වැඩි කරපු රජයට සුබපැතුම්. (බ)

බොහොම හොඳයි (නි)

විනයගරුක ශිලාචාර සමාජයක් ගොඩනැගීමේ වැඩ පිළිවෙලකින් තොරව පැලැස්තර සැලසුම් හිතළු පමණයි. ගාලෙන් පිටතට පැමිණි හරක් රංචුවකට "හෝ හෝ" කියලා වැඩක් නැහැ. (බ)

මගී ජනතාවගෙන් අදහස් ගැනීමට නිසි ක්‍රියාදාමයක් නොමැතිවීම බරපතල ගැටලුවකි. අදහස් යෝජනා ප්‍රකාශ කිරීමට පොලිසියට ගියත් ඒවා ලබා ගැනීමේ නිසි ක්‍රම වේදයක් නොමැත. පුද්ගලිකවම මෙය අත් වින්දෙමි. මෙයට වඩා සාර්ථක තවත් සැලසුම් හා ටවුන් හෝල් ඇතුළු තවත් මාර්ගයන් එක අතකට ධාවනය කළ හැකිය.(ම)

සාමා ඔයාල වාහන වල ගියාට අනෙක් මිනිස්සු ගැන හිතන්නේ නැහැනේ, මිනිස්සු කව්රුත් බලන්නේ තමාගේ පහසුව, ඔය කියන කහ ඉරි ඔරලෝසු කණුවට ළංකරලා දාන්න කියන්න , එතකොට ඔක්කොම හරි, මමත් මහරගම ඉන්නේ, මම පාර පන්නින්නේත් ඔරලෝසු කනුව ලගින් , කහ ඉර තිබුනට එ්ක තියෙන්න පදිකයන්ට අපහසු විදිහටනේ , (බ)

මහරගම නගරයට ඇති කිරීමට යන නව රථවාහන සැළස්ම තිබුනාටත් වඩා වාහන තදබදයක් ඇති කරන බවයි මට නම් පේන්නේ. දැන් හදන්නේ කොළඹ දෙසට තියන මංතීරු 4 න් එකක් හෝමාගම දෙසට යන රථ වාහන සඳහා වෙන් කරන අතර මේ වාහන වලට දෙහිවල පාරට හැරවීමට ඉඩ සළසනවළු. එතකොට වෙන්නේ කොළඹ දෙසට යන මංතීරු 3නේම වාහන දෙහිවල දෙසට යන සියළු වාහන යන තෙක් නවතා සිටීමට සිදු වෙනව. ඊලගට කොළඹ දෙසට යන වාහන තරුණ සේවා සභාව ඉදිරිපිටින් පරන පාරට හැරවීමට ඉඩ දෙනවලු. එතකොට එහෙම පරන පාරට යන වාහන යන තෙක් අර අලුතෙන් හෝමගම දෙසට යන වාහන නවතා තැබීමට සිදු වෙනවා. මේ දෙකින්ම සිදු වෙන්නෙ පෙර නොතිබූ වාහන තදබදයක් ඇති වීමයි. වාහන තදබදය පමණක් නොව මහරගම නගරයේ රථ වාහන අනතුරු විශාල වශයෙන් වැඩි වීමට මෙමගින් සිදු වන බව පේන්න තියෙනවා. අනිත් එක තමයි පමුණුව පාරෙන් සහ පන්සල පාරෙන් කොළඹ දෙසට යන වාහන දැනට යන්නේ හෝමාගම දෙසට ගොස් ජනාධිපති විදුහල අසලින් දකුණට හැරවීමෙනුයි. නව රථවාහන සැළැස්ම අනුව පමුනුව පාරෙන් සහ පන්සල පාරෙන් කොළඹ දෙසට යන රථ වාහන වලට යන එන මං නෑ වගෙයි පේන්නේ. මෙම වාහන වලටත් පෙර පරිදි ජනාධිපති විදුහල ඉදිරිපිටින් දකුණට හැරවීමට ඉඩ සැළසුවොත් නැවත වරක් හෝමාගම දෙසට යන අලුතෙක් වෙන් කළ මංතීරුවේ එන වාහන නවතා තැබීමෙන් පෙර නොවු වාහන තදබදයක් ඇති වෙනවා. ඒ විතරක් නොවේ. පරන පාරෙන් එන වාහන හයිලෙවල් පාරට ඇතුළු කිරීමේදි අනතුරු විශාල වශයෙන් සිදු වීමටත් ඉඩ තියෙනව. මොකද මෙතනින් දකුනට හැරවීමේදී දකුණෙන් එන වාහන නොපෙනීමයි. ඒක නිසා පොලිසිය කළ යුත්තේ මෙයට වඩා හොඳ සැළැස්මක් පිළිබඳව යළි සිතා බැලීම බවයි මට නම් කියන්න තියෙන්නෙ. (බ)