පසුගියදා (4) ඕස්ට්‍රේලියාවේ සිඩ්නි නුවර වීදියකදී කැසිනෝ රජු ජේම්ස් පැකර් ඔහුගේ මිතුරෙකු වන ඩේවිඩ් ජින්ගෙල් සමග ප්‍රසිද්ධියේ හැටි ගුටි ඇන ගැනීම පැකර්ගේ නාමයට කළු පැල්ලමක් එකතු කර ඇතැයි ඕස්ට්‍රේලියා මාධ්‍ය වාර්තා කරයි.

සිද්ධිය සම්බන්ධයෙන් දැනට පොලිස් පරීක්ෂණ පැවැත්වේ. එයින් ගුටි බැට හුවමාරු කරගත්තැයි පැකර් වැරදිකරු වුවහොත් ඔහුගේ නාමය තවත් කිළිටි වනු ඇතැයි එම වාර්තාවන්ගේ දැක්වේ.

මෝස්තර නිරූපිකාවක වන තම පෙම්වතියගේ ඡායාරූප ගැනීමට පැමිණියේයැයි තම මිතුරෙකුගෙන් ලද ආරංචියක් මුල් කරගනිමින් පැකර් ජින්ගෙල් සමග ගුටි ඇන ගත්තේයැයි සදහන්ය.ජින්ගෙල් නයින් එන්ටර්ටේන්මන්ට් නම් සමාගමක ප්‍රධානියා වන අතර එම සමාගම මෝස්තර නිරූපණ කටයුතු හා විනෝදාස්වාද කටයුතු සම්බන්ධයෙන් වැඩසටහන් මෙහෙයවන්නකි.

ගුටි කෙළියෙන් පසු පැකර්ගේ එක් ඇසක් සම්පූර්ණයෙන් නිල් පැහැවී තිඛෙනු දක්නා ලදී.ගෙදරට අදින ඇදුමක් පැළදගෙන ඔහු හා ගුටි ඇණගත් ජින්ගෙල්ද තැලූම් තුවාළ ලබා සිටිනු දැකගත හැකිවිය.

ගැටුම අවසානයේ ප්‍රකාශයක් නිකුත් කළ දෙදෙන කුඩා කළ සිට මිතුරන් වන තමන්ට මෙම ගැටුම ගැටලූවක් නොවන්නේයැයිද ඉදිරියටත් තමන් හොද මිතුරන් ලෙස සිටින්නේයැයිද පැවසීය.ගැටුමට මුල්වූයේ තමන්ගේ ක්‍රියාකාරකම් යැයි ජින්ගෙල් පිළිගත්තේය.

ගැටුම සමථයකට පත්වුවද එයින් ලෝකයේ විශාලතම කැසිනෝ ව්‍යාපාර හිමිකරුවන් තිදෙනාගෙන් එක් අයෙකු වන පැකර්ගේ නමට එල්ල වී ඇති කැළළ නම් තවමත් මකා ගැනීමට ඔහුට හැකිව නොමැති සෙයක් පෙනේ.

ඕස්ට්‍රේලියාවේ සිඩ්නි නුවර හා මෙල්බර්න් නුවර විශාල ප්‍රමාණයේ විනෝදාස්වාද මධ්‍යස්ථාන හා කැසිනෝ ශාලා ඇතිකිරීම සදහා ඔහුට බලපත්‍රද හිමිව තිබූ අතර ගැටුමින් පසු ඒවා ලබාදීම කෙරෙහි නැවත සළකා බැලීමට නගර බළධාරීන් තීරණය කර ඇත.

zzඅප පොලිස් පරීක්ෂණ කටයුතු ගැන විමසිල්ලෙන් සිටින්නේ.ගැටුම නිසා ඔහුට ලබා දී ඇති බලපත්‍රයේ වෙනසක් සිදුවෙන්නත් පුලූවන් නොවෙන්නත් පුලූවන්zz යැයි මෙල්බර්න් නුවර බළධාරීන් පවසයි.

zzසිඩ්නි නුවර දෙවන කැසිනෝ හල විවෘත කිරීමට ඔහුට බලපත්‍රයක් ලබා දීමට කටයුතු කළා තමයි.නමුත් දැන් අප සිටින්නේ ඔහු එවැන්නකට අත ගැසීමට තරම් ගැලපෙන පුද්ගලයෙකුදැයි සොයාබලමින්.ඔහු ඇතිකරගත් ගැටුම ඔහු අවංක,හොද නමක් ඇති,හොද හැකියාවක් ඇති පුද්ගලයෙකුදැයි සිතා බලන්න  අපට යමක් ඉතිරි කළාzz යැයි පවසන්නේ සිඩ්නි නුවර බළධාරීන්ය.

ඕස්ට්‍රේලියාවේ පමණක් නොව ශ්‍රී ලංකාවේ හා ජපානයේද කැසිනෝ හල් දෙකක් ඇති කර තම කැසිනෝ ව්‍යාපාරය ව්‍යාප්ත කිරීමට පැකර් සැළසුම් කර තිබේ.

පැකර්ගේ ගැටුම ඔහුගේ පෞද්ගලික ජීවිතය හා බැදුනක් මිස ඔහුගේ වෘත්තිමය කටයුතු හා සම්බන්ධයන් නොමැති බව ශ්‍රී ලංකා බළධාරීන්ගේ අදහසයි. දැනටමත් ගිවිසුම් අත්සන් කර අවසන් බවත් එවා ප්‍රකාරව ඉදිරි කටයුතු සිදුකරගෙන යන බවත් ඔවුන් කියයි.

පැකර්ගේ ක්‍රවුන් එන්ටර්ටේන්මන්ට් සමාගම සමග ශ්‍රී ලංකාව එළැඹ ඇති ගිවිසුම අනුව ඩොලර් ලක්ෂ 4000 ක වටිනාකමක් ඇති හෝටල් සංකීර්ණයක් හා ඒ හා බැදුණු විනෝදාස්වාද මධ්‍යස්ථානයන් ශ්‍රී ලංකාවේ ඉදිකෙරෙනු ඇත.

ජපානයේද කැසිනෝ හලක් ඉදිකිරීමට පැකර් බලාපොරොත්තුවෙන් සිටින අතර කැසිනෝ ව්‍යාපාරය හා සම්බන්ධ නීති ලිහිල් කිරීමට එරට රජය කටයුතු කිරමින් සිටීම තමන්ගේ වාසියට යොදාගැනීමට ඔහු අපේක්ෂාවෙන් සිටී.

ගුටි කෙළිය නිසා පැකර්ගේ ඉදිරි වැඩකටයුතු වලට බාධා පැමිණෙනු ඇතැයි ඕස්ට්‍රේලියාවේ කොටස් වෙළදපොල කොටස් හිමිකරුවන්ගේ සංගමයේ ප්‍රකාශක ස්ටෙෆන් මෙයර් පවසයි.

‘ඔහු ලෝකයේ විශාලතම කැසිනෝ ව්‍යාපාර හිමිකරුවන්ගෙන් කෙනෙක්.කැසිනෝ ව්‍යාපාරයක් පටන්ගන්න බලපත්‍ර ලබා ගැනීමේදී අනිවාර්යයෙන්ම තමන් ඒ සදහා ගැලපෙන සුදුසු පුද්ගලයෙකු විය යුතුයි.මේ කරුණ බළධාරීන් ඉතා තදින් සොයා බලනවා.ඉතින් වීදියක ප්‍රසිද්ධියේ ගුටි ඇණ ගත්තහම ඒ පුද්ගලයා දිහා ඔහුට මොන බලපුලූවන්කාරකමක් තිබුණත් කවුරුත් බලන්නේ වපර ඇහින්.දැන් වෙලා තිඛෙන දේ අනුව ඉදිරියේදී පැකර්ට කැසිනෝ බලපත්‍ර ගන්න එක ලේසි වන එකක් නැහැ‘ ඔහු කියයි.