(කේ බුද්ධික කුමාරසිරි)

සිය කුඩා දරු දෙදෙනා සමගින් කොස් ඇට තම්බා කා ජීවත්වන මවක පිළිබදව කඩුවෙල වෙලේ හන්දිය ප්‍රදේශයෙන් වාර්තා වේ.

36 හැවිරිදි මෙම දෙදරැ මවට මාසයක් වයසැති සිගිත්තකු සහ වයස අවුරුදු හතරක පිරිමි දරැවකු සිටින අතර සැමියා ඇය හැර ගොස් ඇති නිසා  කුලී කාමරයක ජීවත් වන්නීය.

තමන්ට නිසි ආහාර වේලක් නොමැති නිසාවෙන් මාසයක් වයසැති කුඩා දරැවාට මව් කිරි ලබා දීමට තමන්ට කිරි නොඑරෙන බවත් දරුවන්ට දින කිහිපය පුරාම කොස් පමණක් ආහාර ලෙස ලබා දුන් බවත් ඇය පැවසූවේ කදුලු සලමිනි.

ඇය දැනට සිටින කුලී කාමරයට මෙම මාසයේදී කුලී මුදල් ලබා දීමට හැකියාවක් නොලැබී ඇති බවත් එයට පෙර සිටි කුලී නිවසේ මාසික කුලිය ලෙසට ආහාර පිසිමින් සිටි ගෑස් සිලින්ඩරය සහ ලිප අදාල කුලී නිවසේ හිමිකරුවන් ට ලබා දී පැමිණි බවද ඇය පැවසුවාය.