‘කුෂ්‘ සමඟ විදේශිකයින් තිදෙනා ගුවන්තොටෙිදී අල්ලයි

(ටී.කේ.ජී.කපිල )

රුපියල් දොළොස් කෝටි දහසය ලක්ෂයක් වටිනා " කුෂ්" මත්ද්‍රව්‍ය තොගයක් මෙරටට රැගෙන විත් , ඒවා කටුනායක ගුවන් තොටුපොළෙන් පිට කර ගෙන යමින් සිටි විදේශීය ගුවන් මගීන් තිදෙනෙකු අද(07) අලුයම ගුවන් තොටුපොළ පොලිස් මත්ද්‍රව්‍ය කාර්යාංශයේ නිලධාරීන් පිරිසක් විසින් අත් අඩංගුවට ගෙන තිබේ .

මෙසේ අත් අඩංගුවට ගෙන ඇති සියලුම ගුවන් මගීන් ඉන්දීය ජාතික ව්‍යාපාරිකයන් වන අතර , ඔවුන් අතරින් 42 හැවිරිදි එක් අයෙකු පිරිමි පුද්ගලයෙකු වන අතර ඉතිරි 43 හැවිරිදි සහ 22 හැවිරිදි දෙදෙනා කාන්තාවන් වේ .

ඔවුන් විසින් රැගෙන ආ ගමන් මලු තුළ මෙම " කුෂ්" මත්ද්‍රව්‍ය කිලෝ ග්‍රෑම් 12 යි ග්‍රෑම් 160 ක ප්‍රමාණය , පැකැට් වශයෙන් සකස් කර , ඒවා ගුවන් තොටුපොළ පරිලෝකන යන්ත්‍ර පරීක්ෂා කිරීම් වලදී මගහැරීම සදහා කාබන් කොළ වලින් ආවරණය කර , සගවා ගෙන මෙරටට පැමිණ තිබුණි .

අදහස් (3)

‘කුෂ්‘ සමඟ විදේශිකයින් තිදෙනා ගුවන්තොටෙිදී අල්ලයි

දීපාල් Thursday, 07 August 2025 09:01 AM

ඔය ගේන 10ක්ට එක්දිනක් තුල ප්‍රසිද්දියේ මරණ දඬුවම ලබා දුනහොත් සියළුම මත්ද්‍රව්‍ය ප්‍රශ්න විසදා ගත හැකියි... ඕක නොකරනකම්

: 0 3

maalaka Thursday, 07 August 2025 09:07 AM

ඉතා සතුටුයි මේ අය අහුවෙන එක ගැන. ස්තූතියි සියලුම නිලධාරීන්ට, ඔත්තූ සපයන අයට වගේම වත්මන් දේශපාලකයන්ට. පසුගිය කාලේ කොයිතරම් අපේ සහෝදර සහෝදරියන් විනාශ කරන විෂ මත්ද්‍රව්‍ය රටට ඇතුල් වෙන්න ඇත්ද . විනාශකාරී, දූෂිත දේශපාලකයින් සදහටම පිටුදකින්න

: 0 4

Bunny Preena Thursday, 07 August 2025 10:44 AM

මොන විදියකින් හරි සල්ලි හම්බ කරලා ඉක්මණින් පොහොසත් වෙන්ඩ මාන බලන සමහර අයට සාධාරණත්වය, සදාචාරය, ආත්ම ගෞරවය සහ තම මව්බිමට ගෙන දෙන අපකිර්තිය ගැන කිසිම තැකීමක් නැති ගානයි

: 0 3