එංගලන්ත සුපිරි පිතිකරු කෙවින් පීටර්සන් අන්තර්ජාතික එක්දින ක‍්‍රිකට් තරග බිමෙන් සමුගැනීමට තීරණය කර තිබේ. එක්දින සහ විස්සයි-20 තරගවලින් සමුගත්ත ද, ටෙස්ට් තරග සඳහා එංගලන්ත පිලට ක‍්‍රීඩා කිරීමට පීටර්සන් අපේක්‍ෂාවෙන් සිටියි. පීටර්සන් පවසන්නේ 2015 වසරේදී පැවැත්වෙන ලෝක කුසලාන ක‍්‍රිකට් තරගාවලිය සදහා එංගලන්ත පිලට යොවුන් කී‍්‍රඩකයන් සුදානම් කිරීමට අවස්ථාව ලබා දෙමින් තමන් සීමිත  ඕවර තරගවලින් සමුගැනීමට තීරණය කළ බවයි. ශ්‍රී ලංකාවේදී සැප්තැම්බර් මස පැවැත්වීමට නියමිත විස්සයි-20 ලෝක කුසලාන තරගාවලිය සඳහා තමන්ට එංගලන්ත පිලේ අවස්ථාව හිමිවුවහොත් ක‍්‍රීඩා කරන බවත්, එංගලන්ත ක‍්‍රිකට් තේරීම් කමිටුව ටෙස්ට් තරගවලදී තමන්ට අවස්ථාව ලබාදෙනු ඇතැයි විශ්වාසයෙන් පසුවන බවත් පීටර්සන් පවසයි. 2004 වසරේදී සිම්බාබ්වේ පිලට එරෙහිව මංගල එක්දින තරගයට සහභාගි වු 31 හැවිරිදි පීටර්සන් තරග 127 කදී ශතක 9 ක් සමග ලකුණු 4184 ක් ලබා සිටියි. විස්සයි-20 තරග 36 කදී ඔහු ලබා ඇති ලකුණු සංඛ්‍යාව 1176 කි.