(විනීතා එම් ගමගේ)

දකුණු කොරියාවේ සේවක කරමින් සිටියදී නිවාඩු ලබා මෙරටට පැමිණ සිටින ශ්‍රී ලාංකිකයන් ආපසු එරටට යාමට බලාපොරොත්තු වන්නේ නම් පිළිපැදිය යුතු උපදෙස් මාලාවක් ශ්‍රී ලංකා විදේශ සේවා නියුක්ති කාර්යංශය විසින් නිකුත් කරනු ලැබ ඇත.
 
එසේ කොරියාවට යන සේවකයින් තම සේවාස්ථානයට ගිය වහා නිරෝධායනයට ලක් කරන බවට සේවා යෝජකයා විසින් වගකීම බාරගන්නා බව සඳහන් සහතිකයක් ගෙන්වා ගත යුතු අතර ඒ සඳහා වන ෆෝරමය කාර්යංශයේ www.slbfe.lkවෙබ් අඩවියට පිවිස පුරවා ඊ.පී.එස් (EPS) මධ්‍යස්ථානයට යොමු කළ යුතුය.
 
එසේ උඡී මධ්‍යස්ථානය වෙත ලැබෙන පෝරමය කොරියානු මානව සම්පත් සංවර්ධන ආතයනය විසින් තහවුරු කර ගැනීමෙන් අනතුරුව නැවත කාර්යංශය වෙත එවනු ලබන බවත් අදාල තහවුරු ලිපිය මෙරට කොරියානු මානව සම්පත් සංවර්ධන ආයතනය හා ඊ.පී.එස් (EPS) ආයතනය මගින් අනුමත කොට අදාල රැකියාලාභියාගේ ඊමේල් ලිපිනයට යොමු කරනු ලබන බව ද මෙකී අනුමැති ලිිපිය ගුවන් තොටුපල වෙත යාමේ දී ලඟ තබාගැනීම අනිවාර්ය වන බව ද එම උපදෙස් මාලාවේ සඳහන්වේ.
 
ඊට අමතරව කොරියානු මානව සම්පත් සංවර්ධන ආයතනය වෙතින් විද්‍යුත් ලිපිනය ලැබුන බවට තහවුරු කිරීමේ ලිපියේ පිටපතක්, ගමන්බලපත‍්‍රයේ ඡායරූපය සහිත පිටුවේ පිටපතක් වීසා බලපත‍්‍රයේ පිටපතක් සහ කාර්යංශයේ ලියාපදිංචි ගාස්තුව වශයෙන් රුපියල් 3456 ක් ද කාර්යංශය වෙත ඉදිරිපත් කළ යුතුය.
 
ගුවන් තොටුපලට යාමේ දී කාර්යංශයෙන් තහවුරු කිරීමේ ලිපියක්, ගමන් බලපත‍්‍රයේ පිටපත් දෙකක්, නැවත කොරියාවට ඇතුළු වීමේ වීසා කාඞ්පත  (Re-entry Alien Card) ගෙන යායුතු අතර සෙසු නීති සාමාන්‍ය පරිදි ක‍්‍රියාත්මක වේ.
 
මේ පිළිබඳ වැඩි විස්තර කාර්යංශයේ 1989 ක්‍ෂණික ඇමතුම් අංකයෙන් ලබාගත හැකිවේ.