ජුනි 17 වැනිදා බොලිවුඩයට සමගාමීව ලොවපුරා ප්‍රදර්ශනය කිරීමට ආරම්භ කර ඇති අභිෂේක් චවුබේගේ 'උද්තා පන්ජාබ්' චිත්‍රපටයේ ප්‍රචාරක කටයුතු මේ දිනවල උතුරු ඉන්දියාවේ නගර කිහිපයකදී පැවැත්වීමට කටයුතු කර තිබෙන බව වාර්තා වෙනවා. පසුගියදා පන්ජාබ් නගරයේ පැවැති මෙම චිත්‍රපටයේ ප්‍රචාරක වැඩසටහනක් සඳහා මෙම චිත්‍රපටයේ ප්‍රධාන චරිත නිරූපණය කරන ෂාහිඩ් කපූර්, ආලියා භාට්, කරීනා කපූර් හා දිල්ජිත් දෝෂන් දායකවී සිටියා.

කෙසේ වෙතත්, මෙම ප්‍රචාරක කටයුත්‍ත අතරතුර බොහෝ අවස්ථාවලදී කරීනා කපූර්, ෂාහිඩ්ව මඟහරිමින් සිටින බවක් පෙනෙන්නටද තිබුණ බව සඳහන් වෙනවා. ඇය සෑමවිටම ෂාහිඩ් මඟහැර නවක නළු දිල්ජිත්ට ළංව සිටි අතර, ෂාහිඩ්ගේ ස්ථානයට ඇය ආලියා යොදා මඟහරින්නට උත්සාහ කළ බවක්ද පෙනෙන්නට තිබුණා. එහෙත්, ෂාහිඩ් ඒ බවක් නොපෙනෙන්නට කිහිප වරක් ඔහු කරීනා අසලට පැමිණ කතාබහ කළ බවද සඳහන්.