IMG-LOGO

2025 සැප්තැම්බර් මස 01 වන සඳුදා


කොරෝනා වෙන් වැළකෙන හැටි ආචාර්ය ජීවන්දර කියයි

(සුජිත් හේවාජුලිගේ)

විශේෂ වයිරස ප්‍රභේද ගැන පරීක්ෂණ පවත්වන ශ්‍රී ජයවර්ධනපුර විශ්ව විද්‍යාලයේ වෛද්‍ය පීඨයේ ආසාත්මිකතා,ප්‍රතිශක්තිවේද හා සෛල ජෛව විද්‍යා අධ්‍යයන අංශයේ ප්‍රධානී ආචාර්ය චන්දිම ජීවන්දර මහතා කොවිඩ් රෝගය පාලනය කර ගැනිම සඳහා අනුගමනය කළ හැකි වඩාත් ප්‍රතිඵලදායි ක්‍රම හයක් ජනතාවට හඳුන්වා දෙයි.

කොරෝනා මර්දන එන්නතක් ලැබෙනවානම් එය ලැබෙන මුල් අවස්ථාවේදීම ලබා ගැනීම,මුව ආවරණ නිවැරදිව පැළඳීම ,පුද්ගලයන් අතර අඩි හයක පරතරයක් තබා ගැනීම, අත් නිවැරදිව සබන් යොදා සේදීම සහ දැන් විසබීජ නාශක දියර වලින් සේදීම,සෙනග විශාල වශයෙන් රැස්වන ස්ථානවලට නොයෑම සහ අත්‍යාවශ්‍යම කාරණයකට එසේ යෑමට සිදු වුවහොත් මිනිත්තු 15 කට පෙර එම ස්ථානවලින් පිටවීමට වග බලා ගැනීම ,තමන්ට යම් කිසි සැක සහිත රෝග ලක්ෂණ තිබේ නම් හැකි ඉක්මනින් ම පී .සී.ආර් පරීක්ෂණයකට යොමුවීම හා පවුලේ සාමාජිකයන් ගෙන් සාමාජිකයන් ගෙන් ඈත්ව කටයුතු කිරීම එම ක්‍රම හය බව ආචාර්ය චන්දිම ජීවන්දර මහතා පැවැසීය .

දැනට මෙරට තිබෙන සියලුම එන්නත් ඉතාම හොඳ බවත් රෝගය පාලනය කර ගැනීමට ඇති ප්‍රධානම මෙවලම එන්නත බවත් ඔහු ප්‍රකාශ කළේය.

එන්නත් සම්බන්ධයෙන් විවිධ කරුණු විමසා ජනතාවගෙන් තම අධ්‍යයන අංශයට දුරකථන ඇමතුම් හාරසියයක් පමණ දිනකට ලැබෙන බව කී ජීවන්දර මහතා ලැබෙන කුමන හෝ එන්නතක් වුව හැකි ඉක්මනින්ම ලබා ගැනීම ඉතා සුදුසුම ක්‍රියාමාර්ගය බව ඒ හැම කෙනෙකුටම ලබාදෙන උපදෙස යයි පැවසුවේය.

ඉදිරි මාසය ඉතාම තීරණාත්මක බවටත් අත්‍යවශ්‍යම කරුණකට හැරෙන්නට වෙනත් කිසිම කාරණයකට නිවෙස්වලින් පිටවීම නොකළ යුතු බවටත් ඔහු ජනතාව දැනුම් දෙයි.

"එක එක එන්නත් ගැන විමසමින් ඒවා එනකම් ඉන්න එපා.ලැබිලා තියෙන එන්නත ඉක්මනට ගහගන්න.එහෙම නොකළ හොත් ඔබගේ ජීවිතය නැති වෙන්න වුණත් පුළුවන්" ජීවන්දර මහතා අවධාරණය කළේය.

උණ,කැස්ස ,උගුරේ වේදනාව ,ඇඟපත වේදනාව සහ ගඳ සුවඳ නොදැනීම කොරෝනා රෝගයේ ප්‍රධාන ලක්ෂණ බවත් මෙවැනි සැකසහිත ලක්ෂණ තිබේ නම් වහාම සෞඛ්‍ය අංශ දැනුවත් කළ යුතු බවත් ආචාර්යවරයා ජනතාවට වැඩිදුරටත් දැනුම් දෙයි.

 



අදහස් (7)

කොරෝනා වෙන් වැළකෙන හැටි ආචාර්ය ජීවන්දර කියයි

sharm warn Wednesday, 12 May 2021 03:56 AM

දුරස්ථභාවය රකින්නයි මුව ආවරණ පාවිච්චි කරන්නයි කියනවාට වඩා හොද නැද්ද ? පානය කළ යුතු දේවල් හුමාලය ඇල්ලීම වගේ ප්‍රතිකර්ම ගැන නේද මේ ගොල්ලෝ මිනිස්සුන්ට කියන්න ඕන?

:       6       8

jayath Wednesday, 12 May 2021 05:05 AM

මේවා විද්‍යාත්මක සත්‍යයන් නමුත් සමාජගත වෙන්නේ , සමාජගත කරන්නේ බොරුවත් මිත්‍යාවත් නෙව ඉතින් එහෙම එකේ මේ වගේ දේවල් ගගට කපපු ඉනි වෙනවා . දැන් අලුතින් අර තෙලක් ද පැනි යක් ද විකුනන්න හදන්නේ මිනිස්සු අවිද්‍යාව පස්සේ යනවා එක නවත්වන්න අමාරුයි ඒ වගේම මිත්‍යාවට රාජ්‍ය අනුග්‍රහයත් ලැබෙනවා නමුත් ඒවා පස්සේ ගිහින් අමාරුවේ වැටෙනවා ප්‍රශ්නේ එකයි

:       1       18

විපරමා Wednesday, 12 May 2021 09:05 AM

තම තමුන්ගේ ආරක්ෂාව ගැන හිතලා , අවදානයෙන් කටයුතු නොකරන කමින් විපාක විදින්ට වෙන්නේ අපිටමයි..මිත්‍යා විශ්වාස පස්සේ යන මෝඩ මිනිස්සු ඉන්නවා ,ඒ අතර කොරෝනාව ගරානාවක් කරගෙන.

:       0       10

thilak Wednesday, 12 May 2021 10:45 AM

අනේ මන්ද. මේ කියල තියෙන දේවල් අපි නම් දැනගෙන ගොඩක් කල්.

:       0       8

Lalith m Wednesday, 12 May 2021 11:54 AM

අවුරුදු 30 අඩු සහ 60 වැඩි අයට ජීවත් වන අයිතිය අහෝසි කර දැමිය නොහැක. ඔවුන් හට එන්නත නොදෙන්නේ ඇයි.

:       0       10

ranjan Wednesday, 16 June 2021 03:35 PM

ඇත්තටම පිටින් එන්නත් හැදුවේ නැත්නම් අපේ දොස්තර ගොල්ලෝ අනාතයි ෙ

:       0       37

ranjan Wednesday, 16 June 2021 03:47 PM

ඇත්තටම කොරෝනාවට එන්නත් පිටින් ආවේ නැත්නම් අපේ දොස්තරලා අනාතයි. මොකද අපේ අය මොනවාද? හොයාගෙන තියෙන්නේ. ඉගෙනගෙන තියෙනවා ලෙඩ ටිකක් සහ එයට සරිලන බෙහෙත් ටිකක් ඒකේන් රෝලයනවා. නොදන්නා ලෙඩක් ආවොත් අනාථයි...

:       0       41

ඔබේ අදහස් එවන්න

 

 
 

මේවාටත් කැමතිවනු ඇති

ක්ලීන්ටෙක් ආයතනය, DEI Championship සම්මාන උළෙලේ දී තම විශිෂ්ටත්වය තහවුරු කරයි. 2025 අගෝස්තු මස 30 67 0
ක්ලීන්ටෙක් ආයතනය, DEI Championship සම්මාන උළෙලේ දී තම විශිෂ්ටත්වය තහවුරු කරයි.

ශ්‍රී ලංකාවේ ප්‍රමුඛතම නාගරික අපද්‍රව්‍ය කළමනාකරණ සේවා සපයන්නා වන Abans සමූහයේ තිරසාර අංශය ද වන ක්ලීන්ටෙක් පුද්ගලික සමාගම, SCOPE වැඩසටහන යටතේ, ශ්‍රී ලංකා වා

බ්‍රවුන්ස් EV දැරිය හැකි මිලකට සුවපහසු විද්‍යුත් මෝටර් රථයක හිමිකාරිත්වයෙන් ඔබේ වාහන සිහිනය සැබෑකරදීමට පෙරමුණ ගනී. 2025 අගෝස්තු මස 22 15577 5
බ්‍රවුන්ස් EV දැරිය හැකි මිලකට සුවපහසු විද්‍යුත් මෝටර් රථයක හිමිකාරිත්වයෙන් ඔබේ වාහන සිහිනය සැබෑකරදීමට පෙරමුණ ගනී.

සියවස් එකහමාරක් පුරා විහිදුනු ‘විශ්වාසයේ උරුමය’ තුළින් බ්‍රවුන් සහ සමාගම දශක ගණනාවක් තිස්සේ දේශීය මෝටර් රථ ක්ෂේත්‍රය හැඩගැස්සවූ බව ඔබ දන්නා සත්‍යයක

සියපත ෆිනෑන්ස් නවතම ශාඛාව ඵෙතිහාසික මහියංගනය නගරයට 2025 අගෝස්තු මස 21 529 0
සියපත ෆිනෑන්ස් නවතම ශාඛාව ඵෙතිහාසික මහියංගනය නගරයට

ශ්‍රී ලංකාවේ ප‍්‍රමුඛතම මූල්‍ය සමාගමක් වන සියපත ෆිනෑන්ස් පීඑල්සී දීප ව්‍යාප්ත ශාඛා ජාලයේ 56 වැනි ශාඛාව පසුගියදා මහියංගනය නගරයේදී විවෘත කෙරිණ. පුරාණ ශ්

Our Group Site